சஞ்சய் தத்துக்கே இந்த நிலைமைனா!.. திரிஷாவுக்கு?.. லியோ படத்தில போய் இப்டி செஞ்சிட்டீங்களே?

Leo Movie: விஜய் நடிப்பில் உருவாகி இருக்கும் லியோ திரைப்படம் குறித்த பேச்சுக்கள் தான் தற்போது இணையத்தினை அதிகமாக ஆக்கிரமித்து இருக்கிறது. அந்த வகையில் முக்கியமான ஒரு தகவல்கள் தற்போது தொடர்ச்சியாக கசிந்து வருகிறது.

லோகேஷ் கனகராஜ் இயக்கி இருக்கும் லியோ படத்தில் விஜயுடன் த்ரிஷா, சஞ்சய் தத் ஆகியோர் முக்கிய வேடத்தில் நடித்துள்ளனர். இப்படத்தினை செவன் ஸ்க்ரீன் ஸ்டியோஸ் நிறுவனத்தின் மூலம் லலித்குமார் தயாரித்து இருக்கிறார். படத்தில் ஏகப்பட்ட ஸ்டார்கள் இருந்தாலும் இந்த மூவர் மீது அதிக எதிர்பார்ப்பு நிலவுகிறது.

இதையும் படிங்க: கவுதம் மேனனுக்கு சம்பளம் இத்தனை கோடியா?!.. பேசாம டைரக்‌ஷனை விட்டு நடிகராவே மாறிடலாம்!..

ஏற்கனவே விஜய், த்ரிஷா இணைந்து நடித்த கில்லி, திருப்பாச்சி திரைப்படங்கள் மிகப்பெரிய வரவேற்பினை பெற்றது. அதனை தொடர்ந்து பல வருட கேப்புக்கு பின்னர் இருவரும் இணைந்து இருக்கின்றனர். அதனால் இந்த ஜோடி எப்படி இருக்கும். அதே மேஜிக் கிடைக்குமா எனவும் கிசுகிசுத்து வருகின்றனர்.

இதனை தொடர்ந்து சஞ்சய் தத், கேஜிஎஃப் படத்துக்கு பின்னர் மீண்டும் வில்லனாக களமிறங்கி இருக்கிறார். அதிலும் முதல்முறையாக தமிழில் வில்லன் என்பதால் அவருக்கு ஒரு கூட்டம் எதிர்பார்ப்புடன் காத்திருக்கிறது. இப்படி பல எதிர்பார்ப்புகளுக்கு இடையே ஒரு முக்கிய விஷயமும் பேசு பொருளாகி இருக்கிறது.

இதையும் படிங்க: சிறகடிக்க ஆசை: எக்கசக்க கேடி வேலை பார்த்து திருமணம் செய்த ரவி-ஸ்ருதி..! மீனா இனி காலி தான்!

இப்படத்தில் விஜயிற்கு சம்பளமாக 120 கோடி ரூபாய் கொடுத்திருப்பதாக ஏற்கனவே தகவல்கள் கசிந்தது. இதனையடுத்து, த்ரிஷா மற்றும் சஞ்சய் தத்தின் சம்பளம் எவ்வளவு இருக்கும் என பலரும் பேசி வந்தனர். அதுகுறித்த ஒரு தகவலும் தற்போது வெளியாகி இருக்கிறது.

இப்படத்தில் நடிக்க சஞ்சய் தத்திற்கு 8 கோடி ரூபாய் சம்பளம் கொடுக்கப்பட்டதாம். அதேப்போல த்ரிஷாவிற்கு 5 கோடி ரூபாய் மட்டுமே சம்பளம் என்றும் கூறப்படுகிறது. இது அதிகாரப்பூர்வ தகவல்கள் இல்லை என்றாலும் பெரும்பாலும் இதனையொட்டியே இவர்கள் சம்பளம் இருக்கும் என கூறப்படுகிறது.