AK64: ரேஸுக்கு கொஞ்சம் கேப்!.. 2 படங்களை இறக்கும் ஏகே!.. வெளியான அப்டேட்!..

நடிகர் அஜித் கடந்த சில வருடங்களாகவே தொடர்ந்து கார் ரேஸ் போட்டிகளில் கலந்து கொண்டு வருகிறார். எனவே குட் பேட் அக்லி திரைப்படத்திற்கு பின் அவர் எந்த புதிய படத்திலும் நடிக்கவில்லை.

அஜித்தின் 64வது படத்தை குட் பேட் அக்லி படத்தை இயக்கிய ஆதிக் ரவிச்சந்திரன் இயக்குவது உறுதியானாலும் தயாரிப்பாளர் முடிவாகவில்லை. அதற்கு காரணம் இந்த படத்தில் நடிக்க அஜித் 185 கோடி வரை சம்பளம் கேட்பதாக சொல்லப்படுகிறது. எனவே அவ்வளவு சம்பளத்தை கொடுக்க தயாரிப்பாளர்கள் யாரும் முன்வரவில்லை..

எனவே மும்பைக்கு சென்று தயாரிப்பாளரை அஜித் தரப்பு தேடியதாக சொல்லப்பட்டது. இந்நிலையில்தான் தற்போது ஒரு புதிய தகவல் வெளியே கசிந்திருக்கிறது. அதாவது அஜித்தின் 64வது படத்தின் தயாரிப்பாளர் உறுதியாகி விட்டதாகவும், இந்த படத்தின் படப்பிடிப்பு சில மாதங்களில் துவங்கவுள்ளதாகவும், 2027ம் வருடம் இப்படம் வெளியாகும் எனவும் சொல்கிறார்கள். அதேபோல் அஜித்தின் 65வது படத்தை சிறுத்தை சிவா இயக்கவுள்ளதாகவும் 2027 மே மாதத்திற்கு பின்ர் வெளியாகும் என்ன சொல்கிறார்கள்..

சமீபத்தில் ஊடகத்தில் பேசிய சிறுத்தை சிவா ‘அடுத்த அஜித் சாருடன் எப்போது படம் பண்ணுவீர்கள் என ரசிகர்கள் தொடர்ந்து என்னிடம் கேட்கிறார்கள்.. எல்லாம் சரியாக அமையும் போது அறிவிப்பு வெளியாகும்.. இது என்ன மாதிரியான படம் என்பதை இப்போது சொல்ல முடியாது.. அஜித் சார் அவருக்கு பிடித்த கார் ரேஸ் மற்றும் சினிமா இரண்டிலும் பயணித்து வருகிறார்’
என சொல்லியிருந்தது குறிப்பிடத்தக்கது.