ஜோசியத்தால் ஹிட் படத்தை மிஸ் பண்ணிய விஜய்!.. அது மட்டும் நடந்திருந்தா!…

சுந்தர்.சி இயக்கத்தில் கார்த்திக், ரம்பா, கவுண்டமணி, மணிவண்ணன் ஆகியோர் முக்கிய வேடத்தில் நடித்து 1996ம் வருடம் ஜனவரி 15ம் தேதி வெளியான திரைப்படம் உள்ளத்தை அளித்தா. இந்த படத்தின் மெஹா ஹிட்தான் சுந்தர்.சியை ஒரு ஜனரஞ்சகமான இயக்குனராக மாற்றியது. மேலும் கார்த்திக்கு ஒரு கம்பேக் படமாக உள்ளத்தை அள்ளித்தா அமைந்தது. இந்த படத்தில் இடம்பெற்ற காமெடி காட்சிகளும், பாடல்களும் ரசிகர்களிடம் வரவேற்பை பெற்றன..

இந்நிலையில், இந்த படம் பற்றி ஊடகம் ஒன்றில் பேசிய இயக்குனர் சுந்தர்.சி ‘உள்ளத்தை அள்ளித்தா படத்தின் முதலில் நடிக்கவிருந்தது விஜய்தான். இந்த படத்தின் தயாரிப்பாளர் ஜோசியத்தின் மீது அதிக நம்பிக்கை கொண்டவர்.. அவர் ஜோசியம் பார்த்து படத்தை 1996 ஜனவரி 15ம் தேதி வெளியிட வேண்டும் என்பதில் உறுதியாக இருந்தார். அந்த படத்தில் இடம்பெற்ற அழகிய லைலா பாடலை ஜனவரி 8ம் தேதி சூட் பண்ணினோம்.. லவ்யூ லவ்யூ பாடலை 10ம் தேதி சூட் பண்ணினோ..ம் அந்த அளவுக்கு கடுமையாக உழைத்து அந்த படத்தை அவர் சொன்ன தேதியில் வெளியிட்டோம்…

விஜயின் அப்பா எஸ்.ஏ சந்திரசேகரிடம் இந்த படம் பற்றி பேசியபோது ‘ஏற்கனவே அதே தேதியில் விஜயின் கோயம்பத்தூர் மாப்பிள்ளை படம் வெளியாகிறது.. எனவே ஜனவரி 26ம் தேதி இந்த படத்தை வெளியிடுங்கள். 10 நாட்கள்தானே இடைவெளி’ என்று சொன்னார்.

ஆனால் தயாரிப்பாளர் அதனை ஏற்கவில்லை.. அதனால்தான் அந்த படத்தில் விஜயுடன் பணிபுரியும் வாய்ப்பு எனக்கு கிடைக்கவில்லை. அதன்பின் விஜயுடன் பணிபுரியும் வாய்ப்பு எனக்கு அமையவில்லை.. அதே நேரம் உள்ளத்தை அள்ளித்தா படம் மூலம் எனக்கு கார்த்திக் சார் நட்பு எனக்கு கிடைத்தது’ என சொல்லியிருக்கிறார்..