உருட்டுனா இப்படிதான்… டிஆர்பியில் செம அடி வாங்கிய விஜய்… சீன் காட்டும் சன்டிவி

TRP Tamil: சின்னத்திரை சீரியல்கள் அதன் பாப்புலாரிட்டியை தெரிந்து கொள்ள வாராவாரம் வெளியிடப்படும் டிஆர்பி தான் முடிவு எடுக்கும். அந்த வகையில் சில வாரங்களாகவே சன் டிவி ஆதிக்கம் செலுத்தி வருகிறது.

வார இறுதியில் வெளியிடப்படும் டிஆர்பி சீரியல்களுக்கு மிக முக்கியம் வாய்ந்தவை. பல வருடங்களாகவே இதில் முதல் பத்து இடத்தை சன் டிவி மட்டுமே பிடித்து வந்தது. ஆனால் விஜய் டிவி தங்களுடைய வித்தியாசமான சீரியல்கள் மூலம் அதை உடைத்து உள்ளே நுழைந்து ஆட்டம் காட்டி வந்தது. ஒரு கட்டத்தில் முதலிடத்தில் கூட சன் டிவியிடம் இருந்து தட்டி பறித்தது.

இதையும் படிங்க: உங்க டெடிகேஷனுக்கு அளவு இல்லையா ஐஸ்வர்யாஜி? ஒரு நிமிஷம் ஷாக் ஆயிட்டோம்

அப்படிப்பட்ட சிறுகடிக்க ஆசை தொடர் தற்போது டிவியே இல்லாத கதைகளத்தால் மீண்டும் பின்னுக்கு தள்ளப்பட்டு இருக்கிறது. அந்த வகையில் சன் டிவியில் சீரியல்கள் தான் முதல் ஐந்து இடத்தை பிடித்திருக்கிறது. சைத்ரா ரெட்டி நடிப்பில் ஒளிபரப்பாகி வரும் கயல் 10.33 புள்ளிகளை பெற்று முதல் இடத்தை பிடித்திருக்கிறது.

விஜய் டிவியின் ஈரமான ரோஜாவே சீரியல் மூலம் பிரபலமான சுவாதி நடித்து வரும் மூன்று முடிச்சு சீரியல் 9.74 புள்ளிகளை பெற்று இரண்டாம் இடம் பிடித்திருக்கிறது. கேப்ரியலா நடிப்பில் சில மாதங்கள் முன்னர் தொடங்கப்பட்ட மருமகள் சீரியல் 9.17 புள்ளிகளைப் பெற்று மூன்றாம் இடத்தை பிடித்திருக்கிறது.

இதையும் படிங்க: சீன் காட்டிய நயன்… குட்டி ஸ்மைலுடன் தனுஷுடன் நின்ற எஸ்கே… இதுதாங்க கெத்து?!!

முதலிடத்தில் இருந்த சிங்கப் பெண்ணே சீரியல் 9.05 புள்ளிகளை பெற்று நான்காம் இடத்தை தக்கவைத்துக் கொண்டுள்ளது. விரைவில் கிளைமாக்ஸை நோக்கி நகர்ந்து வரும் சுந்தரி சீரியல் 8.63 புள்ளிகளை பெற்று ஐந்தாம் இடத்தில் இருக்கிறது.

காவிய கதையான மகாபாரதம் சீரியல் சன் டிவியில் ஒளிபரப்பாகி வருகிறது. இது 7.94 புள்ளிகள் பெற்று ஆறாம் இடம் பிடித்திருக்கிறது. விஜய் டிவியின் முக்கிய தொடரான சிறகடிக்க ஆசை தப்பி பிழைத்து 6.37 புள்ளிகளைப் பெற்று ஏழாவதாக இருக்கிறது.

சன் டிவியின் ரஞ்சனி சீரியல் எட்டாவது இடத்திலும், ஜீ தமிழில் கார்த்திகை தீபம் சீரியல் ஒன்பதாவது இடத்திலும் தலா 6.33 மற்றும் 6.21 புள்ளிகளை பெற்றுள்ளது. பெரிய போராட்டத்திற்கு பின்னர் விஜய் டிவியின் இரண்டாவது சீரியல் ஆன பாண்டியன் ஸ்டோர்ஸ் 5.84 புள்ளிகளை பெற்று பத்தாம் இடத்திற்கு முன்னேறி இருக்கிறது.