‘வாடிவாசல்’ படத்தில் தன்னுடைய கேரக்டரை உறுதிசெய்த அமீர்! இங்கேயும் சண்டைதானா?

Actor Ameer:  நேற்று அமீர் நடிப்பில் உயிர் தமிழுக்கு என்ற திரைப்படம் வெளியாகி ரசிகர்கள் மத்தியில் நல்ல வரவேற்பை பெற்று வருகிறது. முதல் முறையாக இந்தப் படத்தில் தான் அமீர் தாடி இல்லாமல் நடித்திருக்கிறார். அதுவே மிகவும் கஷ்டமாக இருந்தது என ஒரு பேட்டியில் அமீர் கூறி இருந்தார். அது மட்டும் அல்லாமல் இந்த படத்தில் நடிக்கும் போது தாடி இல்லாமல் அவருடைய வீட்டிற்கு போனபோது அவருடைய மனைவியால் கூட கண்டுபிடிக்க முடியவில்லையாம்.

அதன் பிறகு படப்பிடிப்பு எல்லாம் முடிந்து மீண்டும் தாடி வளர்க்க ஆரம்பித்து விட்டேன் என ஒரு பேட்டியில் கூறியிருந்தார். இயக்குனராக மட்டும் இல்லாமல் ஒரு நடிகராகவும் தான் யார் என்பதை சமீப காலமாக நிரூபித்து வருகிறார் அமீர். ஏற்கனவே பருத்திவீரன் பட பிரச்சனை தொடர்பாக கேஸ் நீதிமன்றத்தில் போய்க் கொண்டிருக்கையில் அமீரின் இந்தப் படம் மிகவும் எதிர்பார்ப்பில் இருந்தது.

இதையும் படிங்க: சூப்பர்ஸ்டாருடன் காதலில் இருந்த ஜெமினி கணேசனின் மகள்… போராடி மீட்ட மனைவி…

அந்த எதிர்பார்ப்பையும் பெரிய அளவில் பூர்த்தி செய்திருக்கிறது. இந்த நிலையில் பிரபல தொலைக்காட்சி நிறுவனத்திற்கு பேட்டி கொடுத்த அமீர் வாடிவாசல் படத்தை பற்றிய ஒரு முக்கியமான தகவலை பகிர்ந்து இருக்கிறார். வெற்றிமாறன் இயக்கத்தில் சூர்யா நடிப்பில் தயாராக போகும் திரைப்படம் வாடிவாசல். வெற்றிமாறன் விடுதலை இரண்டாம் பாகம் முடித்ததும் வாடிவாசல் திரைப்படத்திற்கு தான் வருவார். இந்த படத்தில் சூர்யாவுடன் இணைந்து அமீரும் நடிக்கப் போகிறார் என்ற தகவல் ஏற்கனவே நமக்கு தெரிந்த விஷயம் தான்.

ஆனால் இப்போது அவருடைய கதாபாத்திரம் என்ன என்பதை அமீரே சமீபத்தில் கூறியிருக்கிறார். படத்தில் ஹீரோவுடன் முழுக்க பயணம் செய்யும் ஒரு வில்லன் கதாபாத்திரம் தான் தன்னுடைய கதாபாத்திரம் என மிகவும் ஓப்பனாக சொல்லி இருக்கிறார் அமீர். அது மட்டும் அல்லாமல் நீண்ட ஆண்டுகளுக்குப் பிறகு சூர்யாவுடன் இணைவதை நான் மிகவும் எதிர்பார்த்துக் கொண்டு காத்திருக்கிறேன் என்றும் அந்த பேட்டியில் கூறி இருக்கிறார். சூர்யாவுடன் இணைந்து மௌனம் பேசியதே என்ற திரைப்படத்தை இயக்கியவர் அமீர் என்பது குறிப்பிடத்தக்கது. அதன் பிறகு இந்த படத்தின் மூலம்தான் இருவரும் இணைந்து பணியாற்ற இருக்கிறார்கள்.

இதையும் படிங்க: அஜித்துக்கு ஜோடியாகும் வாய்ப்பை மிஸ் பண்ண ‘சேது’ பட ஹீரோயின்! என்ன படம் தெரியுமா?