விஜய் அரசியலுக்கு லாய்க்கில்லாதவர்… பிரபலம் சொல்ற காரணத்தைப் பாருங்க…!

விஜய் தற்போது மாநாட்டுக்கான வேலைகளில் தீவிரமாக இறங்கியுள்ளார். முதல் கட்சி மாநாடு என்பதால் ஒவ்வொரு விஷயத்தையும் பார்த்துப் பார்த்து செய்து வருகிறார். மாநாடுக்கு யார் யாரெல்லாம் வரணும், வரக்கூடாது, எப்படி நடக்கணும்? என்னென்ன பேசணும்னு பல விஷயங்களை எடுத்துச் சொல்கிறார். இதுகுறித்து பிரபல வலைப்பேச்சு பிஸ்மி என்ன சொல்றாருன்னு பார்ப்போம்.

விஜய் மாநாட்டுக்கு தொடர்ந்து நெருக்கடிகள் வந்தவண்ணம் உள்ளன. காவல்துறை விதிக்கிற நிபந்தனைகளும் ஏற்கக்கூடியது தான். மாநாடு நெருங்கும்போது புதுசு புதுசா நிபந்தனைகளும் தொடர்ந்துகிட்டே இருக்கு. அரசு டிஸ்டர்ப் பண்றதுன்னா அதை ஏற்க முடியாது. மக்களோட நலன்கருதி தான் இப்படி நிபந்தனைகளை விதிக்கிறாங்க.

விஜய் அரசியல்ல எப்போ இறங்குனாரோ அப்பவே இருந்தே பேச ஆரம்பிச்சிருக்கணும். ஆனா விஜய் மாநாடுக்கு அப்புறம் முழுநேர அரசியல்வாதியா களமிறங்கலாம்னு இருக்காரு. அது சரியான அணுகுமுறை இல்லை. அக்டோபர் 27க்கு அப்புறமும் அவர் டெய்லி அறிக்கை விடப்போறது இல்லை.

தமிழ்நாட்டையேக் கலங்கடிக்கப்போறவரும் இல்லை. 10 வார்த்தையைத் தொடர்ந்து பேசுறதுக்கு தயங்கற கேரக்டர். ரொம்ப சங்கோபி. சாப்டான கேரக்டர். விஜயோட கேரக்டருக்கு அரசியல் எல்லாம் லாய்க்கே கிடையாது. அதுதான் உண்மை. அரசியலுக்கு நிறைய சூழ்ச்சிகளும், நிறைய பிராடுத்தனங்களும் பண்ணனும். அதெல்லாம் அவருக்கு வராது. ஆனா கட்சியோட கொள்கைகளை எல்லாம் அவர் சொல்லித்தான் ஆகணும். ஆனா தொண்டைக்கிழிய கத்திப் பேச மாட்டாரு. உரையை சுருக்கிப் பேசுவாரு.

விஜய் அரசியலில் எம்எல்ஏவுக்குப் போட்டிப் போடுகிறார்னா அவருக்கிட்ட என்ன சொத்து இருக்குன்னு கேட்கலாம். தவெக மாநாட்டுக்கு செலவு செய்யப் போறது யாரு? உங்களுக்காக வேற யாரும் செலவு பண்றாங்களா? அப்படி பண்ணினா அவரோட நோக்கம் என்ன? உங்களுக்கு செலவு பண்றதை அவர் ஒரு முதலீடா நினைக்கிறாரா? அவரிடம் உங்களுக்கு உள்ள எதிர்பார்ப்பு என்னன்னு நிறைய கேள்விகளைக் கேட்கலாம்.

என்னைப் பொருத்தவரை 2026 தேர்தலுக்குப் பிறகு விஜய் நடிக்க வருவார் என்பது தான் எனது அழுத்தமான நம்பிக்கை. கமல் ஆரம்பத்தில் கட்சியில் இறங்கும்போது என்னுடைய எஞ்சிய காலங்கள் உங்களுக்காகத் தான் என்று சொன்னார். ஆனால் அரசியல் வேலைக்கு ஆகாதுன்னு தெரிஞ்சதும் திரும்பவும் சினிமாவுக்கு வந்துவிட்டார்.

அதே போன்ற நிலைமையில் தான் விஜயும் இருக்கிறார். விஜய் 69 தான் கடைசிபடம். அதுக்கு அப்புறம் மக்கள் பணி செய்யப் போறேன்னு சொல்றாரு. விஜய் தேர்தலில் ஜெயிக்குற வாய்ப்பு மிக மிகக் குறைவு. ஏன்னா 2 பெரிய கட்சிகள் இருக்காங்க. அவங்களோட வாக்கு வங்கி ரொம்ப ஸ்ட்ராங்கா இருக்கு. அதை உடைச்சிக்கிட்டு ஆட்சிக்கு வரமுடியாது. இவ்வாறு அவர் தெரிவித்துள்ளார்.