Review
Sakthi Thirumagan: வழக்கம் போல மூக்க நுழைச்சி காலி பண்ணிட்டார்!.. விஜய் ஆண்டனியை வெளுக்குறாங்களே!..
இசையமைப்பாளராக இருந்து நடிகராக மாறியவர் விஜய் ஆண்டனி. துவக்கத்திலேயே நான், சலீம், பிச்சைக்காரன் என தொடர் சூப்பர் ஹிட் படங்களை கொடுத்து கோலிவுட்டின் முன்னணி நடிகர்களில் ஒருவராக மாறினார். அதிலும், பிச்சைக்காரன் திரைப்படம் 100 கோடி வசூலை பெற்றது. தான் நடிக்கும் படங்களை தானே தயாரித்தும் வருகிறார் விஜய் ஆண்டனி.
இவர் நடிப்பில் இவ்வளவு 70 சதவீத திரைப்படங்கள் வெற்றி படங்கள்தான். அதோடு பிச்சைக்காரன் திரைப்படம் தெலுங்கிலும் சூப்பர் ஹிட் அடித்ததால் அதன்பின் வெளிவந்த விஜய் ஆண்டனியின் எல்லா படங்களும் தெலுங்கு மொழியிலும் டப் செய்யப்பட்டு வெளியாகி வருகிறது.
இடையில் சில படங்கள் ஹிட் அடிக்காத நிலையில் அவரே இயக்கி, நடித்த பிச்சைக்காரன் 2 சூப்பர் ஹிட் படமாக அமைந்தது. ஆனால் அதன்பின் வெளிவந்த கொலை, ரத்தம், ரோமியோ, மழை பிடிக்காத மனிதன், ஹிட்லர் போன்ற படங்கள் அவருக்கு வெற்றி படங்களாக அமையவில்லை. அதேநேரம் அதன்பின் வெளிவந்த மார்கன் படம் அவருக்கு வெற்றி படமாக கொடுத்தது.
இந்நிலையில்தான், அருவி, வாழ் போன்ற படங்களை இயக்கிய அருண் பிரபு இயக்கத்தில் விஜய் ஆண்டனி நடித்த சக்தி திருமகன் திரைப்படம் கடந்த வெள்ளிக்கிழமை தியேட்டர்களில் வெளியானது. இந்த படத்தின் டிரைலரை பார்த்தபோது ரசிகர்களுக்கு பிடித்திருந்தது. கண்டிப்பாக இப்படம் ஹிட்டடிக்கும் என எதிர்பார்த்தார்கள். அதுபோலவே இந்த படத்திற்கு பாசிட்டிவான விமர்சனங்கள் வந்தன.
அதே நேரம், படத்தின் முதல் பாதி விறுவிறுவன செல்கிறது. ஆனால் இரண்டாம் பாதி வழக்கமான சினிமாவாக மாறிவிடுகிறது. படத்தின் கிளைமாக்ஸும் வழக்கமான சினிமாத்தனத்தை கொண்டிருந்தது. இரண்டாம் பாதியை சரியாக அமைத்திருந்தால் படம் சூப்பர் ஹிட் அடித்திருக்கும் என படம் பார்த்த பலரும் ட்விட்டர் போன்ற சமூகவலைதளங்களில் பதிவிட்டு வருகிறார்கள்.
விஜய் ஆண்டனியே தயாரிப்பாளராக இருப்பதால் அவர் நடிக்கும் படங்களின் கதையில் அவர் அதிகமாக தலையிடுகிறார். எடிட்டிங் போதும் கூட அவரே அமர்ந்து படங்களை எடிட்டிங் செய்கிறார் என்கிற புகார் இவர் மீது உண்டு. தற்போது அந்த புகார் சக்தி திருமகனுக்கும் வந்திருக்கிறது. அருண் பிரபு முதல் பாதியில் சிறப்பாக வேலை செய்திருக்கிறார். இரண்டாம் பாதியில் விஜய் ஆண்டனி மூக்கை நுழைத்து படத்தை கெடுத்து விட்டார் என்றும் பலரும் திட்டி வருகிறார்கள்.
