புது அவதாரம் எடுக்கும் அரவிந்த்சாமி… தளபதி படத்தை ரிஜெக்ட் செய்ய காரணம் இதுதானா?..

Actor Aravind swamy: அரவிந்தசாமி தமிழ் சினிமா நடிகர்களில் ஒருவர். இவர் தமிழ், தெலுங்கு, மலையாளம் போன்ற பல மொழிகளில் திரைப்படங்களில் நடித்துள்ளார். இவர் தமிழில் ரஜினிகாந்த் நடிப்பில் வெளியான தளபதி திரைப்படத்தில் நடித்துள்ளார். ஆனால் மணிரத்னம் இயக்கத்தில் வெளியான ரோஜா திரைப்படம்தான் இவரை கதாநாயகனாக மாற்றிய முதல் திரைப்படம்.

இப்படம் இவருக்கு மிகப்பெரிய பெயரை பெற்று தந்தது. பின் அதன்பின் வெளியான பம்பாய், மின்சாரக்கனவு, தாலாட்டு போன்ற படங்களின் மூலம் இவர் தனக்கென தனி ரசிகர் பட்டாளத்தையே உருவாக்கினார். அதன்பின் இவர் ஜெயலலிதாவின் வாழ்க்கையை விவரிக்கும் சீரிஸில் எம்.ஜி.ஆர் கதாபாத்திரத்தில் நடித்திருந்தார்.

இதையும் வாசிங்க:அடுத்த பட இயக்குநருக்கு இப்பவே டார்ச்சர்!.. ஃபுல் சரக்கு போட்டு புலம்பித்தள்ளிட்டாராம்!..

பின் 2015ஆம் ஆண்டு நடிகர் ஜெயம்ரவியுடன் இணைந்து தனி ஒருவன் திரைப்படத்தின் மூலம் வில்லனாகவும் தனது நடிப்பினை மிகச்சிறப்பாக வெளிப்படுத்தினார். இதனை தொடர்ந்து பல படங்களில் வில்லன் கதாபாத்திரத்திற்கு இவரை தேடி இயக்குனர்கள் வந்தவண்ணம் இருந்தனர். ஆனால் இவர் அனைத்து படங்களையும் புறக்கணித்து வந்தார்.

இப்போது கூட தளபதி விஜய்யின் 68வது திரைப்படத்தில் வில்லனாக முதலில் நடிக்கவிருந்தது அரவிந்த்சாமிதான் என்ற தகவல்கள் உலாவின. ஆனால் தற்போது இவர் அப்படத்தில் நடிக்க மறுத்ததால் நடிகர் மோகன் அக்கதாபாத்திரத்தில் நடிக்க உள்ளார்.

இதையும் வாசிங்க:ஷூட்டிங்கில் விஜயை பார்த்து அப்படியே ஷாக் ஆயிட்டேன்!.. பிரபல நடிகர் சொன்ன சீக்ரெட்!..

தொடர்ச்சியாக அரவிந்த்சாமி படங்களை நிராகரித்து வந்த நிலையில் அதன்பின் ஒரு காரணமும் இருந்துள்ளது. அதன்படி இவ்வளவு நாளாக கதாநாயகனாகவும் வில்லனாகவும் தனது நடிப்பினை வெளிக்காட்டிய அரவிந்த்சாமி தற்போது இயக்குனராகவும் வலம் வர தயாராகி வருகிறாராம்.

மேலும் இவர் இயக்கும் படத்தில் மலையாள நடிகரான ஃபகத் ஃபாசில் கதாநாயகனாக நடிக்கவுள்ளதாக தகவல்கள் வெளியாகியுள்ளன. ஆனால் இது குறித்த எந்தவொரு அதிகாரப்பூர்வ அறிவிப்பும் இதுவரை வெளியாகவில்லை. ஆனால் நடிகராக இருந்த அரவிந்த்சாமி தற்போது இயக்குனராக அறிமுகமாவது ரசிகர்களின் வரவேற்பை பெரிதளவில் பெரும் என்பதில் எவ்வித சந்தேகமும் இல்லை.

இதையும் வாசிங்க:அடுத்தவன பத்தி தெரியலனா உங்க வேலையா பாருங்க!… சிவகார்த்திகேயனுக்காக வரிஞ்சிகட்டும் சீரியல் நடிகர்…