பெண்கள் எல்லாம் முட்டாள்!.. முதல் ஆளா வெளியே போன பாப்பா போடும் ஓவர் சீன்!.. தேறுமா?..

பிக் பாஸ் சீசன் 8 நிகழ்ச்சியில் இதுவரை இல்லாத அளவுக்கு புதுமையாக செய்கிறோம் என ஏகப்பட்ட பில்டப்களை கொடுத்து விஜய் சேதுபதி வந்தவுடனே முதல் நாளிலேயே 24 மணி நேரத்தில் ஒரு போட்டியாளரை வீட்டிலிருந்து வெளியேற்றினார்கள்.

கடைசியாக விஜய் சேதுபதியின் மகளாக மகாராஜா படத்தில் நடித்த சாச்சனாவே வீட்டை விட்டு வெளியேற்றப்பட்ட நிலையில் மீண்டும் தற்போது விஜய் சேதுபதி வார இறுதி நிகழ்ச்சிக்கு வருவதற்கு முன்னதாகவே சாச்சனாவை பிக் பாஸ் வீட்டுக்குள் மறுபடியும் கொண்டு வந்துள்ளனர்.

விஜய் சேதுபதியின் நடிப்பில் வெளியான மகாராஜா திரைப்படத்தின் வெற்றி விழாவில் பங்கேற்க தான் சாச்சனாவை வெளியேற்றுவது போல பிக் பாஸ் குழு நாடகமாடியது என ரசிகர்கள் கடுப்பில் உள்ளனர். இந்நிலையில் வெளியே வந்து பிக்பாஸ் நிகழ்ச்சியை பார்த்துவிட்டு மீண்டும் வீட்டுக்குள் நுழைந்திருக்கும் சாச்சனா ஆண்கள் அணியை பெண்கள் முட்டாள்தனமாக நம்ப கூடாது என்றும் முத்துக்குமரன் பெண்கள் அணிக்காக விளையாடவில்லை அவர் விளையாடுவது ஆண்கள் அணிக்காக தான் அதேபோல ஜெஃப்ரியும் உங்களை நன்றாகவே ஏமாற்றி வருகிறார்.

ஆண்கள் அணியை போல பெண்கள் அணி ஒற்றுமையாக வலிமையாகவும் இல்லை அனைவரும் ஒருவரை ஒருவர் சண்டை போட்டுக் கொண்டு முட்டாள்களாக இருக்கின்றீர்கள். நாம் ஒன்றாக செயல்பட்டால் நிச்சயம் இந்த சீசன் ஆண்கள் மற்றும் பெண்கள் என நடைபெற்று வரும் நிலையில் பெண்கள் அணி வெற்றிகளை பெறும் என அனைத்து விஷயங்களையும் பெண்கள் அணிக்கு வெளிப்படையாக கூறியுள்ளார்.

சாச்சனா சொல்வதை தர்ஷா குப்தா உள்ளிட்ட பல பெண் போட்டியாளர்கள் ஏற்றுக் கொண்டுள்ள நிலையில் சாச்சனா மீண்டும் வந்த கடுப்பில் விஜய் டிவி தொகுப்பாளினி ஜாக்குலின் அவரை கண்டாலே ஆகாதவர் போல ஒதுங்கி செல்லும் காட்சிகள் ரசிகர்களுக்கு இருக்கு கச்சேரி சீக்கிரமே இருக்கு என சொல்ல வைக்கும் அளவுக்கு உள்ளன.

இந்த வாரம் பிக் பாஸ் நிகழ்ச்சிக்கு வரும் விஜய் சேதுபதி சாச்சனாவின் வெளியேற்றத்திற்கு என்ன முட்டுக் கொடுக்க போகிறார் என்றும் காண ரசிகர்கள் காத்திருக்கின்றனர்.