ஜனநாயகன் படத்தில் அது மட்டும் நடக்கவே நடக்காது... அட அவரே உறுதியாகச் சொல்லிட்டாரே..!

ஹெச்.வினோத் இயக்கத்தில் விஜய் நடிக்கும் படம் ஜனநாயகன். இது விஜயின் கடைசி படம் என அறிவித்துள்ளதால் ரசிகர்களும் சரி. மற்றவர்களும், அரசியல் பிரபலங்களும் சரி. பெரும் எதிர்பார்ப்புடன் உள்ளனர். இந்தப் படம் வரும் ஜன.9, 2026 பொங்கல் தினத்தையொட்டி வெளியாகிறது.

விஜய் நடிக்கும் போர்ஷன் முடிந்து விட்டது. அதனால் தீவிரமாக அரசியலில் ஈடுபட்டு வருகிறார். படம் குறித்த எந்த அப்டேட்டும் வெளியாகாதவாறு பார்த்துக் கொள்கிறார். அதே நேரம் படத்திற்கான விழாக்களிலும் அவர் கலந்து கொள்ள மாட்டார். படம் வெளியாவதற்கு 1 மாதத்திற்கு முன்புதான் புரொமோஷன் வேலைகளில் ஈடுபடுவார் எனத் தெரிகிறது. அந்த வகையில் படத்தைப் பற்றிய செய்திகள் இப்போது வெளியானால் தனது கட்சியைச் சேர்ந்தவர்களுக்குக் கவனம் அங்கு போய்விடும்.

அதனால் கட்சிப்பணிகள் நடக்காது என்பதிலும் உறுதியாக இருக்கிறார் என்றே தெரிகிறது. சமீபத்தில் மாணவர்களுக்குக் கல்வி உதவித்தொகை வழங்கும் விழாவிலும் அரசியலைப் பற்றிப் பேசினார். வரும் தேர்தலுக்கு வண்டி வண்டியா பணத்தைக் கொண்டு வருவாங்க. உஷாரா இருங்க. அது உங்ககிட்ட கொள்ளையடிச்ச பணம்தான்னு சொல்லி இருக்கிறார் விஜய்.

அந்த வகையில் இவரது ஜனநாயகன் படம் குறித்து ரசிகர் ஒருவர் கேள்வி எழுப்பி உள்ளார். அதற்கு பிரபல தயாரிப்பாளர் சித்ரா லட்சுமணன் பதில் சொல்லி இருக்கிறார். என்னன்னு பாருங்க.

2007ல் வெளியான இந்திப்படம் ஓம் சாந்தி ஓம்ல வர்ற ஒரு பாடல்லஎல்லா நடிகர்களும் சேர்ந்து நடிச்சிருப்பாங்க. அதே மாதிரி விஜயின் கடைசி படமான ஜனநாயகன்ல எல்லா நடிகர்களும் சேர்ந்து நடிக்கிறதுக்கான வாய்ப்புகள் இருக்கான்னு ரசிகர் ஒருவர் பிரபல தயாரிப்பாளர் சித்ரா லட்சுமணனிடம் கேட்டுள்ளார். அதற்கு அவர் சொன்ன பதில் இதுதான்.

ஓம் சாந்தி ஓம் படத்தில் இடம்பெற்றது மாதிரி விஜயின் கடைசி படமான ஜனநாயகனில் எல்லா நடிகர்களும் சேர்ந்து நடிக்கிறதுக்கான வாய்ப்பு அறவே இல்லைன்னு தான் நான் நினைக்கிறேன். அதுக்கு முக்கியமான காரணம் அடுத்து அரசியலில் இறங்கப் போறேன்னு விஜய் அறிவித்துள்ள அறிவிப்பு தான். அவர் அரசியல்ல இறங்குறதுனால அவர் படத்துல நடிச்சா என்னென்ன பிரச்சனைகள் வருமோ அப்படிங்கற தயக்கம் இங்குள்ள பல கலைஞர்களுக்கு இருக்குமோன்னு தான் நான் நினைக்கிறேன். இவ்வாறு அவர் தெரிவித்துள்ளார்.