ஒருவழியா மொய்தீன் பாய் எண்ட்ரியா? ஓடிடிக்கு ரிலீஸுக்கு தயாராகி விட்ட லால் சலாம்!...

Lal salaam: ரஜினிகாந்த் நடிப்பில் அவர் மகள் ஐஸ்வர்யா ரஜினிகாந்த் இயக்கி இருந்த லால் சலாம் திரைப்படத்தின் ஓடிடி ரிலீஸ் குறித்த அதிகாரப்பூர்வ அப்டேட் இணையத்தில் வெளியாகி இருக்கிறது.

தமிழ் சினிமாவில் சூப்பர்ஸ்டார் ரஜினிகாந்த் நடிப்பில் வெளியாகும் படங்கள் பெரிய கோடிகளில் வியாபாரம் ஆகும். ஆனால் அவர் மகளுக்காக கேமியோ செய்த லால் சலாம் படம் இதில் அப்பாற்பட்டதாக இருக்கிறது.

3 படத்தினை இயக்கியவர் ஐஸ்வர்யா ரஜினிகாந்த். அப்படம் ரசிகர்களிடம் மிகப்பெரிய வெற்றியை பெற்றது. தொடர்ந்து ரி-ரிலீஸ் செய்யப்பட்ட நிலையில் வசூலில் சக்கை போடு போட்டு ஆச்சரியப்படுத்தியது.

இந்த நம்பிக்கையில் மீண்டும் ஒரு படத்தினை இயக்க வந்தார் ஐஸ்வர்யா ரஜினிகாந்த். லால் சலாம் என்ற பெயரில் விஷ்ணு விஷால், விக்ராந்த் உள்ளிட்டோர் ஹீரோவாக நடித்த இப்படம் முதலில் பெரிய அளவில் எதிர்பார்ப்பு இருந்தது. 

இப்படத்தின் இசை வெளியீட்டு விழாவில் கூட என்னுடைய அப்பாவை எல்லாரும் சங்கி என அழைக்க வேண்டாம் என்று ஐஸ்வர்யா ரஜினிகாந்த் பேசி இருந்தார். இதனால் படத்திற்கு ரசிகர்களிடம் முதலில் ஆதரவு இருந்தது.

ஆனால், படம் ரிலீஸாகி வசூலில் மட்டுமல்லாமல் வரவேற்பு கூட அடி வாங்கியது. இதை தொடர்ந்து ஒரு பேட்டியில் முக்கிய காட்சிகள் அடங்கிய ஹார்ட் டிஸ்க் தொலைந்து விட்டதால் இப்படத்தின் எடிட்டிங் சரியாக வரவில்லை என ஐஸ்வர்யா ரஜினிகாந்த் பேசி இருந்தார். இது இப்படத்தின் ஓடிடி வெளியீட்டுக்கும் வேட்டு வைத்தது.

பல நிறுவனங்கள் அந்த ஹார்ட் டிஸ்கை எடுத்து வர கூறியதால் பல மாதங்களாக ஓடிடிக்கு வராமல் இருந்தது. இந்நிலையில் வரும் ஜூன் 6ந் தேதி இப்படம் சன் நெக்ஸ்ட் ஓடிடியில் ரிலீஸ் செய்யப்பட்ட இருப்பதாக அதிகாரப்பூர்வமாக அறிவிக்கப்பட்டுள்ளது.