Dragon collection: குறும்படங்களை இயக்கி வந்தவர் பிரதீப் ரங்கநாதன். அதன்பின் கோமாளி படம் மூலம் சினிமாவில் இயக்குனராக மாறினார். ஜெயம் ரவி நடிப்பில் வெளிவந்த அந்த படம் சூப்பர் ஹிட் அடித்தது. படம் இந்த அளவுக்கு வெற்றி பெறும் என ஜெயம் ரவியே எதிர்பார்க்கவில்லை.
அதன்பின் 3 வருடங்கள் கழித்து லவ் டுடே என்கிற படத்தை இயக்கி அதில் அவரே ஹீரோவாக நடித்தார். ஒரு சாயலில் தனுஷை போல இருக்கும் பிரதீப் நடிப்பிலும் தனுஷை ஞாபகப்படுத்தினார். எனவே, இந்த படமும் ரசிகர்களிடம் வரவேற்பை பெற்று ஹிட் அடித்தது. இப்போதுள்ள காலத்தில் காதலை எப்படி கையாளுகிறார்கள் என்பதை கச்சிதமாக காட்டியிருந்தார்.
மிகவும் குறைவான பட்ஜெட்டில் உருவாகி 2022ம் வருடம் வெளியான படங்களில் அதிக வசூலை பெற்ற படம் என்கிற பெருமை இப்படத்திற்கு கிடைத்தது. தமிழில் மட்டுமில்லாமல் தெலுங்கிலும் இப்படம் டப் செய்யப்பட்டு நல்ல வரவேற்பை பெற்றது. எனவே, இவரை வைத்து படமெடுக்க மற்ற இயக்குனர்கள் முன் வந்தார்கள்.
விக்னேஷ் சிவன் இயக்கத்தில் எல்.ஐ.கே, அஸ்வத் மாரிமுத்து இயக்கத்தில் டிராகன் போன்ற படங்களில் நடிக்க துவங்கினார். இதில், டிராகன் படம் முதலில் வெளியானது. இந்த படத்தில் மிஷ்கின், அனுபமா பரமேஸ்வரன், கயாடு லோஹர் ஆகியோர் முக்கிய வேடத்தில் நடித்திருந்தனர்.
கல்லூரியில் பொறுப்பின்றி சுத்தும் ஒருவன் மோசடி செய்து ஒரு நல்ல இடத்திற்கு போகிறான். அந்த உண்மை வெளியே தெரியவர என்ன ஆகிறது என்பதுதான் படத்தின் கதை. இந்த படம் கடந்த பிப்ரவரி மாதம் 21ம் தேதி வெளியானது. படம் நன்றாக இருப்பதாக ரசிகர்களிடம் விமர்சனம் எழுந்ததால் பலரும் சென்று படத்தை பார்த்தார்கள். இதன் காரணமாக டிராகன் படம் சூப்பர் ஹிட் அடித்து வசூலை அள்ளியது. இந்தியாவில் மட்டுமே இப்படம் 95 கோடி வரை வசூல் செய்துவிட்டது. இது இல்லாமல் தெலுங்கு, கேரளா, ஆந்திரா மற்றும் வெளிநாடுகளில் எல்லாம் சேர்த்து எப்படியும் 130 கோடிக்கும் மேல் வசூல் செய்திருக்கும் என கணிக்கப்படுகிறது.
அஜித்தின் விடாமுயற்சி படத்தின் மொத்த வசூலை மூன்றே வாரத்தில் டிராகன் முறியடித்துவிட்டது. அதோடு, 2025ம் வருடத்தில் அதிக வசூல் செய்த தமிழ் படம் என்கிற பெருமையையும் டிராகன் பெற்றிருக்கிறது.
