கோட் கேமியோ ரோல்… அந்த டயலாக் எப்படி வந்ததுன்னு தெரியுமா? SK. சொன்ன சூப்பர் தகவல்

வெங்கட் பிரபு இயக்கத்தில் விஜய் நடித்த படம் கோட். ரசிகர்கள் மத்தியில் பெரும் வரவேற்பைப் பெற்ற படம். இந்தப் படத்தில் சிவகார்த்திகேயன் கேமியோ ரோலில் நடித்து மாஸ் காட்டி இருந்தார்.

Also read: கார் டயர் பஞ்சர்… பாரதிராஜாவுக்கு அடித்தது லக்… லேடி சூப்பர்ஸ்டாரே கிடைச்சுட்டாரே..!

அதன்பிறகு விஜய் இனி அரசியலுக்குப் போக இருப்பதால் தன் பொறுப்பை அவருக்குக் கொடுத்து விட்டதாகச் சொன்னார்கள். அதனால் விஜய் இடத்தை இனி அவர் தான் நிரப்ப போகிறார்னும் சொன்னாங்க. எது எப்படியோ அந்த மாஸான சீன் எப்படி வந்ததுன்னு பார்ப்போம்.

கேமியோ ரோல்

‘கோட் படத்துல கேமியோ ரோல் எனக்கு ஒரு நாளைக்கு முன்னாடி வரை தெரியாது… அதை நான் எதிர்பார்க்கவே இல்லை… அந்த டயலாக் விஜய் சாரே சொன்னது’ என்று பரவசமாக சொல்கிறார் சிவகார்த்திகேயன். வேறு என்னவெல்லாம் சொல்றாருன்னு பார்ப்போமா…

goat sk vijay

‘பெஸ்ட் என்டர்டெய்னர் அப்பியரன்ஸ் அவார்டை விஜய் சார் கையில் இருந்து வாங்கும்போதே அன்னைக்கு எனக்கு எல்லாமே ஸ்பெஷல் ஆகிடுச்சு. அன்னைக்கு விஜய் சார் என்கிட்ட அவ்வளவு அன்பா அவார்டைக் கொடுக்கும்போது அந்த அன்பை மட்டும் தான் அன்னைக்குப் பார்த்தேன்.

துப்பாக்கி சீன் கோட் படத்துல எனக்கு வெங்கட்பிரபு சார் அனுப்புற வரைக்கும் என்ன சீனுன்னே தெரியாது. அப்ப நிறைய சீன் எல்லாம் பண்ணும்போது விஜய் சார்கிட்ட இதுல ஒரு கேமியோ ரோல் வருதுன்னு சொன்னாரு. அப்பவே சார் பயங்கரமா என்ஜாய் பண்ணினாங்க. எங்கிட்ட வந்து சொன்னாங்க. அது ரொம்ப நாளைக்கு முன்னாடி.

அது இருக்குல்ல..

அப்ப தான் கதையை முதல்ல விவரிச்சிக்கிட்டு இருக்காங்க. நான் வெங்கட்பிரபு சார் ஏதோ ஜாலியா சொல்றாரு போலன்னு நினைச்சிக்கிட்டேன். திரும்ப சூட்டிங் வரும்போது விஜய் சார் ‘அது இருக்குல்ல..’ன்னு எங்கிட்ட கேட்டாரு. போன் பண்ணியும் கேட்டாங்க.

சீன் பேப்பர்

நான் என்னைக்கு வேணாலும் ரெடி சார்… எங்கிட்ட போய் ஏன் சார் கேட்டுக்கிட்டு இருக்கீங்கன்னு சொன்னேன். ஜாலியான ஒரு சீன் தான்னு சொன்னார். நான் தயாராகி வரணுமேன்னு சொன்னேன். ஜாலியான சீன் தான்னு சொல்லி உடனே அந்த சீனை எனக்கு நைட்  சீன் பேப்பரை அனுப்புறாங்க. அதுல வெங்கட்பிரபு சார் இதை பார்த்துக்கோங்க. ஆனா சுடக்கூடாதுன்னு எழுதிக் கொடுத்தார்.

துப்பாக்கியை புடிங்க சிவா

‘அந்த சீன் சூப்பரா இருக்கு சார்… பயங்கரமா இருக்கு சார்’னு போன்லயே நான் சொன்னேன். சாரும் என்ஜாய் பண்ணினாங்க. மறுநாள் சூட்டிங் வரும்போது ‘துப்பாக்கியை புடிங்க சிவா’ன்னு சொன்னது ஸ்பாட்ல விஜய் சாரே சொன்ன டயலாக் தான்.

Also read: மறக்குமா நெஞ்சம்! உசுரே!.. மனைவிக்காக உருகி பாட்டு பாடிய ஏ.ஆர் ரகுமான்?!… வைரலாகும் வீடியோ!…

அங்கேயே நான் பார்த்தது இன்னொரு பேட்டர்னை பாஸ் பண்றாங்கன்னு சொன்னாங்க. நான் அதை அப்படி பார்க்கல. விஜய் சாரோட அன்பாத் தான் பார்த்தேன். விஜய் சார் எங்கிட்ட வச்சிருக்குற அன்பு.

மரியாதை

நான் அவரு மேல நான் வச்சிருக்குற மரியாதை. அதனால அந்த ரெண்டு தருணங்களும் எனக்கு ரொம்ப ஸ்பெஷலா இருக்கும். அப்படி பார்க்குறது மட்டும் தான் சரி’ என்கிறார் சிவகார்த்திகேயன். சிவகார்த்திகேயன் பேசிய இந்த வீடியோ இப்போது வைரலாகி வருகிறது.