கோகுல் இயக்கத்தில் விஜய் சேதுபதி, நந்திதா ஸ்வேதா, ஸ்வாதி ரெட்டி, அஸ்வின், பசுபதி, சூரி உள்ளிட்ட பலரும் நடித்து 2013ம் வருடம் வெளியான திரைப்படம்தான் இதற்குத்தானே ஆசைப்பட்டாய் பாலகுமாரா. இந்தப் படத்தில் சென்னை பாஷை பேசும் இளைஞனாக விஜய் சேதுபதி சிறப்பாக நடித்திருந்தார். அதுவும் அண்ட படத்தில் அவர் பேசிய ‘குமுதா ஹேப்பி அண்ணாச்சி’ என்கிற வசனம் ரசிகர்களிடம் மிகவும் பிரபலம்.
இந்த படத்தில் இடம்பெற்ற எல்லா காமெடி காட்சிகளுமே ரசிகர்களிடம் பெரிய வரவேற்பை பெற்றது. இந்த படத்திற்கு சித்தார்த் விபின் இசையமைத்திருந்தார். அனைத்து பாடல்களும் சூப்பர் ஹீட். படம் வெளியாகி 12 வருடங்கள் ஆகிவிட்ட நிலையில் தற்போது இப்படத்தில் இரண்டாம் பாகத்தை எடுக்கும் முயற்சியில் கோகுல் ஈடுபட்டிருக்கிறார்.
ஆனால் இரண்டாம் பாகத்தில் விஜய் சேதுபதி நடிக்கவில்லை. நடன இயக்குனர் சாண்டி மாஸ்டர் இதில் ஹீரோவாக நடிக்கவுள்ளாராம். இந்த படத்தை துபாய் தொழிலதிபர் கண்ணன் ரவி தயாரிக்கவுள்ளார். விரைவில் இது தொடர்பான அறிவிப்பு வெளியாகும் என என்கிறார்கள்.
‘விஜய் சேதுபதி நடித்த ஒரு படத்தில் சாண்டி மாஸ்டர் நடிப்பது சரியாக வருமா?’ அவருக்கு இது செட் ஆகுமா? என்கிற கேள்வி ரசிகர்கள் மத்தியில் எழுந்திருக்கிறது. ரஜினியின் கூலி, கமலின் விக்ரம் போன்ற பெரிய நடிகர்களின் படங்களில் நடன இயக்குனராக வேலை பார்த்தவர் சாண்டி மாஸ்டர். தமிழ் சினிமாவில் முன்னணி நடன இயக்குனராக இருக்கிறார். இவர் பிக்பாஸ் நிகழ்ச்சியிலும் கலந்துகொண்டார். கடந்த சில வருடங்களாகவே இவர் திரைப்படங்களில் நடித்து வருகிறார். பல படங்களில் ஒரு பாடலுக்கு வந்து நடனமும் ஆடினார். லியோ படத்தில் இவருக்கு வித்தியாசமான வேடத்தை கொடுத்திருந்தார் லோகேஷ் கனகராஜ்.
அதன்பின் மலையாள சினிமாவில் வசூலில் ரிக்கார்ட் செய்த லோகா சாப்டர் ஒன் படத்தில் முக்கியமான வேடத்தில் நடித்திருந்தார். தெலுங்கில் கிஷ்கிந்தாபுரி என்கிற படத்திலும் இவருக்கு வித்தியாசமான வேடம் கிடைத்தது. தற்போது சில மலையாள மற்றும் கன்னட படங்களில் நடித்து வருகிறார். இந்நிலையில்தான் விஜய் சேதுபதிக்கு ஹிட் படமாக அமைந்த இதற்குத்தானே ஆசைப்பட்டாய் பாலகுமாரா படத்தின் இரண்டாம் பாகத்தில் சாண்டி நடிக்கவிருக்கிறார்.
