அமரன் கெட்டப்பில் மனைவிக்கு ஷாக் கொடுத்த எஸ்.கே!.. செம கியூட் வீடியோ!..

Sivakarthikeyan: விஜய் டிவியில் ஆங்கராக இருந்து தற்போது கோலிவுட்டின் முன்னணி நடிகர்களில் முக்கியமானவராக மாறியிருப்பவர்தான் சிவகார்த்திகேயன். தனுஷுடன் 3 படத்தில் ஒரு சின்ன வேடத்தில் நடித்தார். இயக்குனர் பாண்டிராஜ் இவரை மெரினா படம் மூலம் ஹீரோவாக மாற்றினார்.

அந்த படம் ஓடவில்லை. அதன்பின் எழிலின் இயக்கத்தில் மனம் கொத்திப் பறவை படத்தில் நடித்தார் சிவகார்த்திகேயன். அடுத்து தனுஷின் தயாரிப்பில் நடித்த எதிர் நீச்சல் திரைப்படம் அவருக்கு முக்கிய படமாக அமைந்து. அடுத்து வெளியான வருத்தப்படாத வாலிபர் சங்கம் படத்தின் வெற்றி சிவகார்த்திகேயனை ரசிகர்களிடம் கொண்டு சேர்த்தது.

இதையும் படிங்க: அமரன் ஓடிடி ரிலீஸுக்கு தேதி குறித்த கமல்?!.. அவ்வளவு சொல்லியும் கேட்கலயே!…

அதன்பின் ரஜினி முருகன், ரெமோ என டேக் ஆப் ஆனார் எஸ்.கே. சொந்தமாக படங்களை தயாரித்து கையையும் சுட்டுக்கொண்டார். இதனால் 100 கோடி வரை கடனாகி கொஞ்சம் கொஞ்சமாக அடைத்து இப்போதுதான் கடனிலிருந்து மீண்டிருக்கிறார். இந்த வருட துவக்கத்தில் பொங்கலுக்கு வெளியான அயலான் படம் பெரிய வெற்றியை பெறவில்லை.

அதன்பின்னர்தான் அமரன் என்கிற படத்தில் நடித்தார். ராஜகமல் பிலிம்ஸ் நிறுவனம் தயாரிப்பில் ராஜ்குமார் பெரியசாமி இயக்கி தீபாவளிக்கு வெளியான அமரன் படம் சூப்பர் ஹிட் அடித்து இதுவரை 250 கோடிக்கும் மேல் வசூல் செய்திருக்கிறது. இந்த படத்தில் ராணுவ வீரராக நடித்திருக்கிறார் எஸ்.கே.

#image_title

சிவகார்த்தியன் ஆர்த்தி என்பவரை 2010 வருடம் திருமணம் செய்து கொண்டார். அதாவது, விஜய் டிவியில் ஆங்கராக வேலை செய்யும்போது அவருக்கு திருமணம் முடிந்துவிட்டது. ஆர்த்தி அவரின் உறவினர் பெண் என சொல்லப்படுகிறது. இவர்களுக்கு 3 குழந்தைகள் உள்ளனர்.

இந்நிலையில்தான் மனைவி ஆர்த்திக்கு அமரன் கெட்டப்பில் சென்று ஷாக் கொடுத்து வீடியோவை இன்ஸ்டாகிராமில் பகிர்ந்து பிறந்த நாள் வாழ்த்து சொல்லி இருக்கிறார் சிவகார்த்திகேயன். இதையடுத்து ஆர்த்திக்கு பலரும் வாழ்த்துக்களை கூறி வருகிறார்கள்.

 

View this post on Instagram

 

A post shared by Sivakarthikeyan Doss (@sivakarthikeyan)