Cinema News
லோகி யுனிவெர்ஸ்தானே தெரியும்? சிம்புவின் யுனிவெர்ஸ இனிதான் பாப்பீங்க.. இதுதான் மேட்டரா?
சிம்புவின் திடீர் எக்ஸ் தள பதிவுக்கான காரணம் இதுதானா? இது சூப்பர் அப்டேட்டால இருக்கு
சமீப காலமாக சிம்பு என்னதான் செய்து கொண்டிருக்கிறார் என்ற ஒரு கேள்வி அனைவரும் மத்தியில் எழத் தொடங்கி விட்டது. இதற்கு இடையில் திடீரென நேற்று அவர் தன்னுடைய எக்ஸ் தள பக்கத்தில் ஒரு பதிவை போட்டு அனைவரையும் ஆச்சரியப்படுத்தினார்.
அதில் தம், விண்ணைத்தாண்டி வருவாயா ,மன்மதன்,வல்லவன் போன்ற படங்களின் பெயர்களை குறிப்பிட்டு இன்று மாலை 6 மணிக்கு அடுத்த படத்திற்கான அறிவிப்பு வெளியாகும் என்பது போல தெரிவித்து இருந்தார். இதைப் பார்த்ததும் அவர் சொன்ன படங்களை எல்லாம் கலவையாக வைத்து ஒரு புதிய படமா? என்ன சொல்ல வருகிறார் என்பது போல ரசிகர்கள் குழம்பி இருந்தனர்.
ஏற்கனவே அவருடைய 48வது படத்தின் நிலைமை என்னவானது என்பதே தெரியவில்லை. மாநாடு திரைப்படத்தின் வெற்றிக்கு பிறகு இனிமேல் சிம்புவின் ஆட்டம் தான் என அனைவரும் நினைத்துக் கொண்டிருக்க அந்த படத்திற்கு பிறகு தொடர்ந்து இரண்டு படங்களில் நடித்தார் சிம்பு.
அதனை அடுத்து தேசிங்கு பெரியசாமி இயக்கத்தில் ஒரு படத்தில் நடிக்கப் போவதாக தகவல்கள் வெளியானது. அந்தப் படத்தை ராஜ்கமல் நிறுவனம் தான் தயாரிப்பதாக இருந்தது. அந்த படத்திற்காக பல கலைகளை கற்றுக்கொள்ள வெளிநாடு சென்று இருந்தார் சிம்பு. அதற்காக தன்னுடைய உடலையும் கட்டுக்கோப்பாக வைத்திருந்தார்.
திடீரென அந்தப் படம் கைவிடப்பட்டதாக அறிவிப்பு வெளியாகி சிம்பு ரசிகர்கள் மத்தியில் பெரும் ஏமாற்றத்தை ஏற்படுத்தியது. இந்த நிலையில் அந்த படத்திற்காக கொடுக்கப்பட்ட அட்வான்ஸ் தொகையை தக் லைஃப் படத்தில் பயன்படுத்திக் கொண்டார் கமல்.
கிட்டத்தட்ட கமலுக்கு இணையான கதாபாத்திரமாக சிம்புவின் கதாபாத்திரம் தக் லைஃப் படத்தில் இருக்கும் என நம்பப்படுகிறது. அப்போ தக் லைஃப் திரைப்படம் தான் சிம்புவின் 48வது திரைப்படம் எனில் இன்று அவர் கொடுத்திருக்கும் அப்டேட் குறித்த படம் அவருடைய 49 ஆவது படமாக இருக்கும் என சொல்லப்படுகிறது. அதுவும் இந்த படத்தை சிம்புவே இயக்குவதாகவும் ஒரு தகவல் வெளியாகி வருகிறது.
இதில் கூடுதல் தகவல் என்னவெனில் அவர் குறிப்பிட்ட அந்த படங்கள் எல்லாம் சேர்ந்து ஒரு யுனிவர்சாக அந்த கதாபாத்திரங்களின் தொடர்ச்சி அவருடைய இந்த படத்தில் இருக்கும் என ஒரு தகவல் வெளியாகி வருகிறது. சிம்புவின் ஐம்பதாவது திரைப்படத்தை தான் தேசிங்கு பெரியசாமி இயக்க இருக்கிறாராம். அதற்கான வேலைகளில் இப்போது தேசிய பெரியசாமி இறங்கி இருப்பதாக தெரிகிறது .இந்த தகவலை செய்யாறு பாலு ஒரு பேட்டியில் கூறி இருக்கிறார்.
