கார்த்தி நடிப்பில் பொங்கலையொட்டி வெளியான படம் வா வாத்தியார். கீர்த்தி ஷெட்டி முதன்முறையாக நேரடியாக அறிமுகமான இப்படத்தை நலன் குமாரசாமி இயக்கியுள்ளார். நீண்ட நாட்களுக்கு பிறகு நலன் குமாரசாமி இயக்கத்தில் வரும் படம் என்பதாலும், கார்த்தியுடன் முதன்முறையாக கூட்டணி என்பதாலும் இப்படத்திற்கு அதிக எதிர்பார்ப்பு ஏற்பட்டது.
ஆனால் படம் ரசிகர்களின் எதிர்பார்ப்பை பூர்த்தி செய்ததா என்றால் இல்லை என்றுதான் கூறவேண்டும். படத்தை பார்த்த ரசிகர்களுக்கு ஏமாற்றமே மிஞ்சியது. இந்த நிலையில் இப்படத்தின் 4ம் நாள் வசூல் குறித்த தகவல்கள் வெளியாகியுள்ளது. Sacnilk இணையதளம் வெளியிட்டிருக்கும் இந்த தகவல்படி நான்காவது நாளான நேற்று இந்திய அளவில் ரூ1.40 கோடி ரூபாய் வசூலித்திருக்கிறதாம். நான்கு நாட்களில் மொத்தமாக ரூ. 6.90 கோடி ரூபாயை வசூலித்திருப்பதாகவும் அந்த தளம் கூறுகிறது.
ஆனாலும் பொங்கலையொட்டி வெளியான பராசக்தி, ஜீவா நடிப்பில் வெளிவந்துள்ள டிடிடி படங்களை ஒப்பிடும்போது வசூல் குறைவாகவே பெற்றுள்ளது என்று தெரிகிறது.
