ஹெச்.வினோத் இயக்கத்தில் விஜய் நடித்திருக்கும் திரைப்படம் ஜனநாயகன். விஜய் அரசியலுக்கு சென்றுவிட்ட நிலையில் ஜனநாயகன் இவரின் கடைசி படமாக கருதப்படுகிறது. தெலுங்கில் பாலையா என அழைக்கப்படும் பாலகிருஷ்ணன் நடித்து சூப்பர் ஹிட் அடித்த பகவந்த் கேசரி படத்தின் தமிழ் ரீமேக்தான் ஜனநாயகன் என சொல்லப்படுகிறது.
ஜனநாயகன் படத்தில் பூஜா ஹெக்டே, மமிதா பைஜூ உள்ளிட்ட பலரும் நடித்திருக்கிறார்கள். பல படங்களில் வில்லனாக நடித்து வரும் பாபி தியோல் இந்த படத்திலும் வில்லனாக நடித்திருக்கிறார். அனிருத் இசையில் இப்படம் உருவாகி இருக்கிறது. இந்த படம் பொங்கலை குறிவைத்து 2026 ஜனவரி 9ம் தேதி உலகமெங்கும் வெளியாகியுள்ளது. இந்த படத்தின் ஆடியோ லான்ச் அதாவது இசை வெளியீட்டு விழா மலேசியாவின் தலைநகரான கோலாலம்பூரில் இருக்கும் புக்கிட் ஜலீஸ் என்கிற விளையாட்டு மைதானத்தில் வருகிற டிசம்பர் 27ம் தேதி நடக்கவுள்ளது.
இந்த மைதானத்தில் 85 ஆயிரம் பேர் வரை அமர்ந்து பார்க்கலாம். மேலும், 15 ஆயிரம் பேர் வரை கலந்துகொண்டால் ஒரு லட்சம் பேர் வரை இந்த நிகழ்ச்சியில் கலந்து கொள்வார்கள் என்கிறார்கள். அப்படி பார்க்கும்போது ஒரு லட்சம் பேர் வரை கலந்துகொண்ட ஒரு திரைப்படத்தின் இசை வெளியீட்டு விழா என கின்னஸ் சாதனை புத்தகத்தில் ஜனநாயகனை இடம்பெற செய்யும் முயற்சிகளையும் தயாரிப்பு நிறுவனம் செய்து வருகிறதாம்.
எனவே, விஜயின் ஜனநாயகன் படம் கின்னஸில் இடம் பெற்றாலும் ஆச்சர்யப்படுவதிற்கில்லை.
