பென்ஸ் படத்தில் வில்லனாக களமிறங்கும் பிரபல மல்லு நடிகர்… எல்சியூவின் அடுத்த அதிரடி!

Benz: பிரபல இயக்குனர் லோகேஷ் கனகராஜின் தொடர் வரிசை படங்களான எல்சியூவின் அடுத்த படமாக உருவாகி வரும் பென்ஸ் படத்தின் வில்லன் அறிவிப்பு இன்று வர இருக்கிறது.

தமிழ் சினிமாவிற்கு ஹாலிவுட்டை போல தொடர் வரிசை படங்கள் முதன்முதலாக உருவாக்கிய பெருமை லோகேஷ் கனகராஜையே சேரும். அவர் இயக்கத்தில் வெளியான கைதி திரைப்படத்தினை தொடர்ந்து விக்ரம் படம் வந்தது.

அந்த சமயத்தில் படத்தினை பார்க்க வருபவர்கள் கைதியை பார்த்துவிட்டு வர வேண்டும் எனக் கோரிக்கை வைத்தார். அதை தொடர்ந்து லோகேஷ் கனகராஜின் படங்கள் எல்சியூ என அழைக்கப்பட்டு வருகிறது. அவரும் இதற்காக ஒரு பெரிய கதையை உருவாக்கி சின்ன சின்ன படங்களாக எடுக்க இருப்பதாக கூறப்படுகிறது.

அந்த வகையில் கைதி2, ரோலக்ஸ், விக்ரம் 3 உள்ளிட்ட படங்கள் வெளிவருவதற்கு முன்னர் சின்ன கதாபாத்திரங்களுக்கான ரோல்களும் ரெடியாகப்பட்டு அதற்கான வேலைகளும் நடந்து வருகிறது. இந்நிலையில் தற்போது எல்சியூவின் அடுத்த படமாக பென்ஸ் உருவாகி வருகிறது. 

முதன்மை படங்களை மட்டுமே லோகேஷ் கனகராஜ் இயக்குவதால் இந்த படத்தினை பாக்கியராஜ் கண்ணன் இயக்க இருப்பதாக அறிவிக்கப்பட்டுள்ளது. ராகவா லாரன்ஸ் இப்படத்தில் ஹீரோவாக நடிக்க இருக்கிறார். இப்படத்தின் படப்பிடிப்பு தொடங்கி நடந்து வருகிறது.

இந்நிலையில் இன்று இப்படத்தின் நடிகர்கள் அறிவிப்பு இருக்கும் என அறிவிக்கப்பட்டுள்ளது. இதன் முதற்கட்டமாக முக்கிய நடிகருக்கான போஸ்டரை வெளியிட்டு நீங்க இதற்கு ரெடியாகி இருக்க மாட்டீங்க எனக் குறிப்பிட்டு நடிகருக்கு என் என்ற க்ளூவை கொடுத்து இருக்கின்றனர்.

இதனால் மலையாள நடிகர் நிவின் பாலியாக தான் இருக்கும் என்று தகவல் வெளியாகி இருக்கிறது. பலரும் எதிர்பார்க்கும் இந்த அறிவிப்பு இன்று வெளியாகும் என அறிவிக்கப்பட்டுள்ளது. மேலும் லோகேஷ் கனகராஜ் கதை என்பதால் போஸ்டரில் குறிப்பிட்டுள்ளபடி இவர் வில்லனாக நடிக்கவும் வாய்ப்பு உள்ளது. விரைவில் இதுகுறித்த அதிகாரப்பூர்வ வீடியோவும் வெளியாகும் என்றும் தெரிவிக்கப்பட்டுள்ளது.