விஜய் நடிப்பில் உருவாகியுள்ள ஜனநாயகன் திரைப்படம் விஜய் ரசிகர்களிடையே பெரும் எதிர்பார்ப்பை ஏற்படுத்தி இருக்கிறது. ஒருபக்கம் இதுதான் அவரின் கடைசி படம் என் அறிவிக்கப்பட்டிருந்தால் விஜய் ரசிகர்கள் மனதிற்குள் ஒரு சோகமும் இருக்கிறது. ஏனெனில் இனிமேல் அவரை ஒரு நடிகராக திரையில் அவர்களால் பார்க்க முடியாது.
விஜயின் நடனத்தையும், அவரின் நடிப்பையும் ரசிக்க முடியாது என்கிற வருத்தமும், சோகமும் அவர்களிடம் இருக்கிறது. அதே நேரம் விஜய் அரசியலுக்கு சென்றிருப்பதால் அதில் அவர் வெற்றி பெற வேண்டும்.. பல தொகுதிகளிலும் அவரின் கட்சி வெற்றி பெற்று அவர் நாட்டின் முதல்வராக மாற வேண்டும் என்கிற ஆசையும் விஜய் ரசிகர்களுக்கு இருக்கிறது.
ஜனநாயகன் திரைப்படத்தை எச்.வினோத் இயக்கியிருக்கிறார். இந்த படத்தில் பூஜா ஹெக்டெ, மமிதா பைஜூ ஆகியோர் முக்கிய வேடத்தில் நடிக்க அனிருத் இந்த படத்திற்கு இசையமைத்திருக்கிறார். ஜனநாயகன் திரைப்படம் 2026 ஜனவரி 9ம் தேதி உலகமெங்கும் வெளியாகவுள்ளது. இன்னும் ரிலீசுக்கு ஒரு மாதமே இருப்பதால் படத்தின் புரமோஷன் வேலைகள் சூடு பிடித்திருக்கிறது. அதுவும் இந்த மாதம் 5 வாரமும் தொடர்ந்து அப்டேட்டுகள் வெளியாகவுள்ளது.
டிசம்பர் முதல் வாரம் 4ம் தேதி ஜனநாயகன் படத்தின் இரண்டாவது பாடல் வெளியாகவுள்ளது. இரண்டாவது வாரத்தில் ஒரு ஸ்பெஷல் போஸ்டரையும் வெளியிட திட்டமிட்டனர். மூன்றாவது வாரத்தில் படத்தில் நடிக்கும் கதாபாத்திரங்களோடு, அவர்களின் பெயர்களை அறிவிக்கப் போகிறார்கள். 4வது வாரமான டிசம்பர் 27ம் தேதி விஜய் ரசிகர்கள் ஆவலோடு எதிர்பார்க்கும் ஜனநாயகன் படத்தின் இசை வெளியீட்டு விழா மலேசியாவில் பிரம்மாண்டமாக நடைபெறவிருக்கிறது.
5வது வாரம் அதாவது டிசம்பர் 31ம் தேதி இரவு 12 மணிக்கு புது வருடம் பிறக்கும்போது படத்தின் டிரெய்லர் வீடியோவும் புது வருட வாழ்த்தோடு ஒரு போஸ்டரும் வெளியாகவுள்ளதாம். இப்படி, இந்த மாதம் முழுவதும் தொடர்ந்து ஜனநாயகன் அப்டேட் வருவதால் விஜய் ரசிகர்கள் உற்சாகமடைந்து இருக்கிறார்கள்.
