நடிகர் அஜித்குமாரின் கார் ரேஸிங் டீம் தொடர்பான வீடியோ தற்போது இணையத்தில் வெளியாகிய வைரலாகி வருகிறது.
தமிழ் சினிமாவில் டாப் நடிகர்களில் ஒருவராக வலம் வருபவர் நடிகர் அஜித். தற்போது விடாமுயற்சி மற்றும் குட் பேட் அக்லி உள்ளிட்ட இரண்டு திரைப்படங்களில் நடித்து வருகின்றார். 2 திரைப்படங்களின் படப்பிடிப்பும் ஏறத்தாழ முடிவடைந்து விட்டது. ஆதிக் ரவிச்சந்திரன் இயக்கத்தில் உருவாகி வரும் குட் பேட் அக்லி திரைப்படத்தின் படப்பிடிப்பு இன்னும் 7 நாட்கள் மட்டுமே பாக்கி இருப்பதாக கூறப்பட்டுள்ளது.
இதையும் படிங்க: சிறந்த நடிகர்கள் ரஜினி, கமல் எல்லாம் இல்லை… இவர்தான் பெஸ்ட்… ஆர். ஜே பாலாஜி சாய்ஸ்..
விரைவில் படப்பிடிப்பு முடிவடைந்து வரும் பொங்கலுக்கு இந்த திரைப்படத்தை வெளியிடுவதற்கு படக்குழுவினர் தீவிரமாக வேலை பார்த்து வருகிறார்கள். குட் பேட் அக்லி திரைப்படத்திற்கு முன்பு நடிகர் அஜித் கமிட்டாகி இருந்த திரைப்படம் விடாமுயற்சி. ஆனால் இப்படத்தின் இன்னும் முடிவடையவில்லை. இப்படம் அடுத்த வருடம் மே மாதம் வெளியாகும் என்று கூறப்படுகின்றது.
கடந்த இரண்டு வருடங்களாக நடிகர் அஜித் நடிப்பில் எந்த திரைப்படங்களும் வெளியாகாத நிலையில் இந்த இரண்டு திரைப்படங்கள் மீது ரசிகர்கள் ஏகப்பட்ட நம்பிக்கை வைத்திருக்கிறார்கள். மேலும் படம் விரைவில் வெளியாக வேண்டும் என்றும் கூறி வருகிறார்கள். இதற்கு இடையில் நடிகர் அஜித் கார் ரேசிலும் தொடர்ந்து கவனம் செலுத்தி வருகின்றார்.
கடந்த சில மாதங்களாக அவரின் கார் ரேஸ் தொடர்பான புகைப்படங்கள் இணையதள பக்கத்தில் வெளியாகி படு வைரலாகி வருகின்றது. நடிகர் அஜித் தற்போது ஸ்பெயின் நாட்டில் நடைபெற இருக்கும் கார் ரேஸில் கலந்து கொள்ள இருக்கின்றார். அதற்காக தீவிரமாக பயிற்சி மேற்கொண்டு வருகின்றார். ஒரு பக்கம் படங்களின் படப்பிடிப்பு, மற்றொரு பக்கம் தீவிர பயிற்சி என பிசியாக இருந்து வருகின்றார்.
இந்நிலையில் நடிகர் அஜித் கார் ரேசிங் டீம் பற்றிய வீடியோ ஒன்று இணையத்தில் வெளியாகி வைரலாகி வருகின்றது. செம மாஸ்ஸாக மற்றும் ஸ்டைலான லுக்கில் நடிகர் அஜித் காணப்படுகின்றார். அந்த டீமில் நான்கு பேரில் ஒருவராக நடிகர் அஜித் வரும் வீடியோ மற்றும் புகைப்படங்கள் இணையத்தில் வெளியாகி வைரலாகி வருகின்றது. 15 வருடங்களுக்கு பிறகு அஜித் கார் பந்தயத்தில் கலந்து கொள்ள இருக்கின்றார்.
இதையும் படிங்க: ஷூட்டிங்கில் முதல் 3 நாள் படுத்தி எடுத்த லோகேஷ் கனகராஜ்!. கடுப்பாகி விஜய் கேட்ட கேள்வி!..
ஸ்பெயினில் நடைபெறும் பந்தயம் மற்றும் அடுத்த வருடம் துபாயில் நடைபெற உள்ள பந்தயங்களில் அஜித் கலந்து கொள்ள இருக்கின்றார். இந்தியாவில் நடைபெற்ற பல கார் ரேஸ்களில் அஜித் கலந்து கொண்டு இருக்கின்றார். அதுமட்டுமில்லாமல் மலேசியா, ஜெர்மனி உள்ளிட நாடுகளிலும் நடைபெற்ற கார் பந்தயங்களில் அஜித் கலந்து கொண்டிருக்கின்றார்.
15 வருடங்களுக்குப் பிறகு மீண்டும் அஜிதை கார் பந்தயத்தில் பார்ப்பது அனைவருக்கும் மிகப்பெரிய மகிழ்ச்சியை ஏற்படுத்தியிருக்கின்றது. திரைத்துறையில் எப்படி ஒரு வெற்றி நாயகனாக வளம் வருகின்றாரோ அதேபோல் கார் பந்தயத்திலும் நடிகர் அஜித் வெற்றி பெற வேண்டும் என்பது அனைவரின் ஆசையாக இருக்கின்றது.
