சின்ன பொண்ணா இருந்தாலும் கொடுக்கிற மரியாதைய பாருங்க.. வைரலாகும் அஜித் வீடியோ

தமிழ் சினிமாவில் முன்னணி நடிகராக திகழ்ந்து வருபவர் நடிகர் அஜித். அவருடைய நடிப்பில் கடைசியாக வெளியான திரைப்படம் குட் பேட் அக்லி. படத்தை ஆதிக் ரவிச்சந்திரன் இயக்க ஜிவி பிரகாஷ் படத்திற்கு இசையமைத்திருந்தார். அதற்கு முன் வெளியான விடாமுயற்சி திரைப்படம் மோசமான விமர்சனத்தை பெற்ற நிலையில் குட் பேட் அக்லி ஒட்டுமொத்த வெற்றியையும் பெற்று கொடுத்தது.

படத்தை ரசிகர்கள் கொண்டாடி தீர்த்தனர். படம் முழுக்க முழுக்க ரசிகர்களுக்கான படமாகவே அமைந்ததனால் அஜித் ரசிகர்கள் உட்பட மற்ற ரசிகர்களும் இரண்டரை மணி நேரம் திருப்தியாக கழித்தோம் என்ற மனநிலையில் தான் படத்தை பார்த்துவிட்டு சென்றனர். அஜித் என்றாலே மாஸ் ஓபனிங் ஆக்சன் காட்சிகள் பில்டப் என ஒரு கமர்ஷியல் பேக்கேஜாக இருக்க வேண்டும் என்றுதான் ரசிகர்கள் விரும்புகின்றனர்.

அதை விடாமுயற்சி திரைப்படம் முற்றிலுமாக ஏமாற்றியது. அதற்கு 10 மடங்கு திருப்பிக் கொடுத்தது குட் பேட் அக்லி திரைப்படம். தற்போது அஜித் கார் ரேஸில் தீவிரமாக ஈடுபட்டு வருகிறார். ஐரோப்பாவில் நடைபெறும் கார் ரேசில் பங்குகொண்டு வருகிறார் அஜித் .அவருடைய அடுத்த படத்திற்கான வேலைகள் தற்போது விறுவிறுப்பாக சென்று கொண்டிருக்கின்றன .

அஜித்தின் அடுத்த படத்தையும் ஆதிக் ரவிச்சந்திரன் தான் இயக்கப் போகிறார். படத்தை தயாரிக்கும் தயாரிப்பாளர் குறித்து எந்த ஒரு தகவலும் இதுவரை வெளியாகவில்லை. இந்த வருடம் அக்டோபர் மாதத்திற்குள் கார் ரேஸ்சை முடித்துவிட்டு அதன் பிறகு தனது அடுத்த கட்ட படத்தின் வேலையை ஆரம்பிக்க இருக்கிறார் அஜித். இந்த நிலையில் கார் ரேஸ் வெளிநாடுகளில் நடந்து கொண்டிருந்தாலும் அங்கும் இருக்கிற தமிழ் மக்கள் அஜித்தை பார்ப்பதற்காக செல்வதை நாம் வீடியோக்களில் பார்த்து வருகிறோம் .

அவரிடம் ஆட்டோகிராப் வாங்கிக் கொண்டு புகைப்படம் எடுத்துக் கொண்டு தங்களுடைய மகிழ்ச்சியை ரசிகர்கள் வெளிப்படுத்தி வருகின்றனர். இந்த நிலையில் சிறுமி ஒருவர் அஜித்திடம் ஆட்டோகிராப் வாங்க அவரிடம் ஏதோ பேசிவிட்டு போட்டோவும் எடுத்துக் கொண்டார் அஜித். சிறு பிள்ளையாக இருந்தாலும் அவர் மீது கை போடாமல் அருகில் அப்படியே நின்று போட்டோ எடுத்துக் கொண்டார் அஜித்.

இதை பார்த்த நம் நெட்டிசன்கள் சின்ன பொண்ணாக இருந்தாலும் அவர் மீது கை போடாமல் மிகவும் டீசன்டாக நடந்து கொண்டார் அஜித். ஆனால் இப்ப இருக்கிற ஒருவருக்கு அது பற்றி எதுவும் தெரியவில்லை என விஜயை மறைமுகமாக விமர்சித்திருக்கிறார் அந்த ரசிகர்.