நடிகர் விக்ரம்:
தமிழ் சினிமாவில் மிகப் பிரபலமான நடிகர்களில் ஒருவர் சீயான் விக்ரம். ஒவ்வொரு படத்திலும் வித்தியாசமான கதாபாத்திரங்களை தேர்வு செய்து மெனக்கெட்டு நடிக்க கூடிய ஒரு நடிகர். தற்போது வரை 62 படங்களில் நடித்திருக்கின்றார். இவரது மகன் துருவ் விக்ரமும் நடிக்க வந்துள்ள நிலையில் விக்ரமும் தொடர்ந்து படங்களில் ஹீரோவாக கமிட்டாகி நடித்து வருகின்றார்.
தங்கலான்:
நடிகர் விக்ரம் கடைசியாக இயக்குனர் பா ரஞ்சித் இயக்கத்தில் தங்கலான் என்கின்ற திரைப்படத்தில் நடித்திருந்தார். இந்த திரைப்படம் கடந்த ஆகஸ்ட் மாதம் வெளியாகி மக்களிடையே கலவையான விமர்சனங்களை பெற்றிருந்தது. இந்த திரைப்படத்தில் ஒரு ஆதிவாசி கதாபாத்திரத்தில் நடிகர் விக்ரம் தனது மிகச் சிறப்பான நடிப்பை வெளிப்படுத்தி இருந்தார். படம் பாக்ஸ் ஆபிஸில் 100 கோடி வசூல் செய்திருந்தது
வீர தீர சூரன்:
தங்கலான் திரைப்படத்தை தொடர்ந்து இயக்குனர் அருண்குமார் இயக்கத்தில் தனது 62 ஆவது திரைப்படத்தில் நடித்து முடித்து இருக்கின்றார். இப்படத்திற்கு வீர தீர சூரன் என்று பெயர் வைக்கப்பட்டுள்ளது. இப்படத்தின் இரண்டாவது பாகம் வரும் பொங்கலுக்கு வெளியாக உள்ளதாக கூறப்பட்டு வரும் நிலையில் அதிகாரப்பூர்வ தகவல் வெளியாகவில்லை. இந்த திரைப்படத்தின் ஸ்பெஷல் என்னவென்றால் இரண்டாவது பாகம் முதலில் வெளியாகி முதல் பாகம் அதற்கு அடுத்ததாக வெளியாக இருக்கின்றது.
சியான் 63:
நடிகர் விக்ரம் அடுத்ததாக இயக்குனர் மடோன் அஸ்வின் இயக்கத்தில் ஒரு புதிய திரைப்படத்தில் நடிக்க இருப்பதாக தகவல் வெளியாகி இருக்கின்றது. தமிழ் சினிமாவில் மண்டேலா மற்றும் மாவீரன் உள்ளிட திரைப்படங்களை இயக்கி பிரபலமானவர் மடோன் அஸ்வின். இவர் இயக்கத்தில் தனது அடுத்த படத்தில் நடிகர் விக்ரம் நடிக்க இருக்கின்றார்.
இப்படத்தில் நடிகர் யோகி பாபு ஒரு முக்கிய கதாபாத்திரத்தில் நடிக்க இருப்பதாகவும், சாந்தி டாக்கிஸ் நிறுவனம் சார்பாக அருண் விஷ்வா இப்படத்தை தயாரிக்க இருப்பதாக கூறப்படுகின்றது. மேலும் மண்டேலா திரைப்படத்திற்கு இசையமைத்த பரத் சங்கர் இப்படத்திற்கு இசையமைக்கின்றார்.
இப்படத்தின் படப்பிடிப்பு அடுத்த வருடம் தொடங்க உள்ள நிலையில் வருடத்தின் முடிவில் இப்படத்தை வெளியிடுவதற்கு திட்டமிட்டு இருக்கிறார்கள். மேலும் நடிகர் விக்ரம் இந்த திரைப்படத்திற்கு தனது சம்பளத்தை உயர்த்தி இருக்கின்றார். தங்கலான் படத்திற்கு 30 கோடி சம்பளம் வாங்கிய சியான் விக்ரம் இந்த படத்திற்கு 50 கோடி ரூபாய் சம்பளம் கேட்டுள்ளதாக தகவல் வெளியாகி இருக்கின்றது.
