அருள்நிதி, பிரியா பவானி சங்கர் மற்றும் பலர் நடிப்பில் கடந்த ஆகஸ்ட 15-ம் தேதி வெளியான படம் டிமாண்டி காலனி 2.
முதல் பாகத்தின் கதை ஒரு சிறிய வீட்டிற்குள் நடக்கும். அருள்நிதி, மதுமிதா, ரமேஷ் திலக், எம்.எஸ்.பாஸ்கர் ஆகியோர் நடித்திருந்தனர். அஜய் ஞானமுத்து இயக்கி இருந்தார். தற்போது அவரே 2-வது பாகத்தையும் இயக்கி உள்ளார்.
ஆரம்பத்தில் இப்படம் பெரியளவில் கவனம் பெறவில்லை என்றாலும், வாரயிறுதிகளில் இப்படம் நல்ல வசூலை ஈட்டியுள்ளது. இதனால் படத்தின் ஓடிடி ரிலீஸ் தள்ளிப்போய் இருக்கிறது. அருள்நிதி கேரியரில் அதிகபட்சமாக இப்படம் ரூபாய் 55 கோடிகளை தாண்டி இருக்கிறது.
இதனை படக்குழுவினரே அதிகாரப்பூர்வமாக அறிவித்து இருக்கின்றனர். இந்தநிலையில் இந்த படம் ஜீ 5 ஓடிடி தளத்தில் செப்டம்பர் மாதம் கடைசியில் ரிலீஸ் ஆகும் என தகவல்கள் வெளியாகி இருக்கின்றன.
அதிகமாக ட்ரோல் செய்யப்பட்ட பிரியா பவானி சங்கர் மற்றும் ஒரு நல்ல ஹிட்டிற்காக காத்திருந்த அருள்நிதி இருவருக்கும் டிமாண்டி காலனி 2 நல்ல வெற்றியை அளித்துள்ளது. அதோடு கோப்ரா தோல்வியால் துவண்டிருந்த அஜய் ஞானமுத்துவிற்கும் இப்படம் ஒரு பூஸ்டினை கொடுத்துள்ளது.
