நடிகர் மற்றும் தவெக தலைவர் விஜயின் மீது அவரின் மனைவி சங்கீதா விவாகரத்து வழக்கு தொடர்ந்து இருப்பதுடன் நடிகையுடன் விஜய் தொடர்பில் இருந்தார் எனக்கூறி அதிர வைத்திருக்கிறார். அந்த நடிகையின் பெயரை சங்கீதா மனுவில் குறிப்பிடவில்லை.. அதேநேரம் தேவைப்பட்டால் நடிகையின் மீதும் வழக்கு தொடர்வேன் என கூறியிருக்கிறார்..
2021ம் வருடம் அந்த நடிகையுடன் விஜய்க்கு தொடர்பு இருப்பது தனக்கு தெரிய வந்ததாகவும், அதன் மூலம் பேச்சுவார்த்தை நடந்து உறவை கைவிட்டு விடுகிறேன் இந்த விஜய் சொன்னதாகவும் ஆனால் அதன் பின்னரும் விஜய் அதை அந்த உறவை நிறுத்தவில்லை எனவும் மனுவில் குறிப்பிட்டிருக்கிறார் சங்கீதா.
மேலும் ஒரு கட்டத்தில் என்னை மிரட்டினார்.. கொடுமைப்படுத்தினார்.. பொருளாதார ரீதியாக எனக்கு தடை விதித்தார்.. ஒரே வீட்டில் நடிகையுடன் வசித்தார். வெளிநாடு சென்றால் அந்த நடிகையுடனே செல்வார். என்னை சுதந்திரமாக வெளியே செல்ல அனுமதிக்கவில்லை என்றெல்லாம் பல புகார்களை அள்ளி வீசியிருக்கிறார்.
விஜய் தமிழக வெற்றிக் கழகம் என்கிற அரசியல் கட்சி தொடங்கிய அரசியலுக்கு வந்திருக்கிறார்.. பிரச்சாரக் கூட்டங்களில் திமுகவுக்கு எதிராக ஆவேசமாக பேசி வருகிறார். இன்னும் ஒன்றரை மாதங்களில் சட்டமன்ற தேர்தல் வரவிருக்கிறது. இந்நிலையில், அவரின் இமேஜை குறைக்கும் நிலையில் அவரின் மனைவி சங்கீதா வழக்கு தொடர்ந்திருப்பது அரசியல் வட்டாரத்தில் பரபரப்பை ஏற்படுத்தியிருக்கிறது.
தன் மனைவியை விட்டுவிட்டு இன்னொரு பெண்ணிடம் செல்லும் ஒருவன் ஒரு அரசியல் தலைவனா?.. இதுதான் தூய சக்தியா? என விஜயை பிடிக்காதவர்கள் பலரும் சமூகவலைத்தளங்களில் பதிவிட்டு வருகிறார்கள்.. ஒரு சிலர் ‘விஜயின் அரசியல் வாழ்க்கை முடிந்தது.. விஜய்க்கு இனிமேல் பெண்கள் வாக்களிக்க மாட்டார்கள்’ என்றெல்லாம் பதிவிட்டு வருகிறார்கள்.. சிலரோ ‘இதெல்லாம் விஜயின் அரசியல் வாழ்க்கையை பாதிக்காது.. கலைஞர் கருணாநிதிக்கு கூட இரண்டு மனைவிகள் இருந்தார்கள்.. ஆனால் அவருக்கு மக்கள் வாக்களித்தார்கள்’ என சொல்கிறார்கள்..