தேர்தலுக்கு முன்னதாக எம்மதமும் சம்மதம் என நடிகர் விஜய் பல்வேறு கோயில்களுக்கு சென்றுள்ளார். விஜய் கிறிஸ்துமஸ் விழாவுக்கு செல்கிறார், சர்ச்சில் போய் மண்டியிடுகிறார், ரம்ஜான் நோன்பு திறப்புக்கு செல்கிறார் என சர்ச்சையை கிளப்பினர். அம்மன் கோயில் முதல் திருச்செந்தூர் முருகன் கோயில், ஷீரடி சாய் பாபா கோயில் என தற்போது இந்து மக்களை மொத்தமாக கவர முயற்சி செய்து வருகிறார்.
இந்நிலையில், பத்திரிகையாளர் பிஸ்மி தனது எக்ஸ் தள பக்கத்தில், தற்போது, ”நேற்று திருச்செந்தூர் முருகன் கோவில். இன்று ஷீரடி சாய்பாபா கோவில். தேர்தல் முடிந்த பிறகு கோவில் கோவிலாக சென்று கொண்டிருக்கிறார் விஜய். ஒருவேளை… தேர்தலில் தவெக வெற்றியடைந்தால், அதற்கு காரணம் விஜய்யின் பிரார்த்தனையா? அல்லது அவருக்கு வாக்களித்த மக்களா? கோவிலுக்கு சென்றதே வெற்றியைத் தேடிக்கொடுத்ததாக விஜய் நினைத்தால், அது அவருக்கு வாக்களித்த மக்களை அவமானப்படுத்துவதாகத்தானே அர்த்தம்?” எனக் கேள்வி எழுப்பி உள்ளார்.
இந்தியா மதச்சார்பற்ற நாடாகவே உள்ளதே தவிர, மதங்களோ, கோயில்களோ அல்லாத நாடு கிடையாது. மேலும், எந்த கோயிலுக்குச் செல்வது, என்ன சாமி கும்பிடுவது, கும்பிடாமல் இருப்பது என்பது அவரவர் தனிப்பட்ட விருப்பம்.
விஜய் கோயிலுக்குச் சென்று வழிபடும் போது அங்குள்ளவர்களிடம் தனக்கு ஓட்டுப் போடுங்க என்றோ தவெக கட்சிக்கு வந்து சேர்ந்துடுங்கோ என்று பிரச்சாரம் செய்தால் தான் தவறு.
