வாயா என் கர சாமி!.. கர படத்தின் ஃபர்ஸ்ட் சிங்கிள் வீடியோ எப்படி இருக்கு?..

தமிழ் சினிமாவில் முக்கிய நடிகராக இருப்பவர் தனுஷ்.. கொஞ்சம் கூட இடைவெளி விடாமல் அடுத்தடுத்த படங்களில் நடித்து வரும் நடிகர் இவர்.. இட்லி கடை திரைப்படத்திற்கு பின் போர்த்தொழில் பட இயக்குனர் விக்னேஷ் ராஜா இயக்கத்தில் கர என்கிற படத்தில் நடிக்கத் தொடங்கினார் தனுஷ்.. இந்த படத்தில் மமிதா பைஜூ, கே.எஸ்.ரவிக்குமார், கருணாஸ், ஜெயராம், சுராஜ் வெஞ்சுரமுடு, எம்.எஸ்.பாஸ்கர் உள்ளிட்ட பலரும் நடித்திருக்கிறார்கள். இந்த படத்தின் படப்பிடிப்பு தற்போது முடிந்திருக்கிறது..

கர படத்திற்கு ஜிவி பிரகாஷ் இசையமைத்திருக்கிறார். இந்நிலையில், இந்த படத்தில் இடம் பெற்றுள்ள ‘வாயா என் கர சாமி’ என்கிற இந்த பாடலை அருண் ராஜாகாமராஜ் எழுத அந்தோணி தாசன் பாடியிருக்கிறார். சோளக்காட்டுக்குள் முகத்தை மூடிக்கொண்டு கையில் அருவாளோடு தனுஷ் செல்வது போலவும் அவருக்கு பின்னால் போலீஸ்காரர்கள் துரத்துவது போலவும் அவர்களை தனுஷ் தாக்குவது போலவும் இந்த வீடியோவில் காட்சிகள் இடம் பெற்றிருக்கிறது..

இந்த வீடியோவை பார்த்த தனுஷ் ரசிகர்கள் ‘அடுத்த அசுரன் லோடிங்’ என பதிவிட்டு வருகிறார்கள்.. இந்த பாடலை பார்க்கும்போது கண்டிப்பாக அதிரடி ஆக்சன் கலந்த ஒரு கிராமத்து திரில்லர் கதையாக கர படம் உருவாகியிருக்கும் என கணிக்கப்படுகிறது.. ஏப்ரல் 30ம் தேதி கர திரைப்படம் வெளியாகவுள்ளது.