Salaar 2: அடேங்கப்பா!… கொரியன் நடிகருடன் இணையும் பிரபாஸ்… முரட்டு சம்பவமாக இருக்கும் போலயே!…

நடிகர் பிரபாஸ் கொரியன் நடிகரான டான் லீ என்பவருடன் இணைந்து சலார் 2 திரைப்படத்தில் நடிக்க உள்ளதாக தகவல் வெளியாகி இருக்கின்றது.

நடிகர்  பிரபாஸ்: தெலுங்கு சினிமாவில் மிகப் பிரபலமான நடிகராக வலம் வருபவர் பிரபாஸ். பல வருடங்களாக சினிமாவில் இருந்தாலும் ராஜமவுலி இயக்கத்தில் வெளிவந்த பாகுபலி திரைப்படம் தான் இவரை உலக அளவில் பிரபலமாகியது. பாகுபலி திரைப்படத்தின் மூலமாக மிகப் பெரிய புகழை எட்டினார் நடிகர் பிரபாஸ். யாரும் நினைத்துப் பார்க்க முடியாத அளவிற்கு இந்திய அளவில் அவரின் மார்க்கெட் உயர்ந்தது.

இதையும் படிங்க: Delhi ganesh: 50 ஆண்டு கால நண்பர்…. டெல்லிகணேஷோட கனவே இதுதானாம்…. பிரபலம் சொன்ன தகவல்

படம் தோல்வி: இந்த திரைப்படத்தை தொடர்ந்து பிரபாஸ் சாகோ மற்றும் ராதே ஷ்யாம் உள்ளிட்ட பெரிய பட்ஜெட் திரைப்படங்களில் நடித்திருந்தாலும் அவரால் பாகுபலி அளவிற்கு பெரிய வெற்றியை கொடுக்க முடியவில்லை. இந்த திரைப்படத்தை தொடர்ந்து கேஜிஎப் திரைப்படத்தின் மூலமாக பிரபலமான இயக்குனர் பிரசாந்த் நீல் இயக்க சலார் என்கின்ற திரைப்படத்தில் நடித்திருந்தார்.

சலார் : சலார் திரைப்படம் கேஜிஎப் போல ஆக்சன் படமாக உருவானது. இப்படம் வெளியாகி விமர்சன ரீதியாகவும், வசூல் ரீதியாகவும் சாதனை படைத்தது. இதனால் இழந்த மார்க்கெட்டை மீட்டெடுத்தார் நடிகர் பிரபாஸ். அதனை தொடர்ந்து நாக் அஸ்வின் இயக்கத்தில் கல்கி 2898AD என்ற திரைப்படத்தில் நடித்திருந்தார். இந்த திரைப்படமும் பாக்ஸ் ஆபிஸில் 1000 கோடி வசூல் செய்த சாதனை படைத்தது.

சலார் 2: தொடர்ந்து பெரிய பெரிய இயக்குனர்களுடன் கைகோர்த்து திரைப்படங்களில் பிஸியாக நடித்து வருகின்றார் நடிகர் பிரபாஸ். அந்த வகையில் தற்போது மீண்டும் பிரசாந்த் நீல் இயக்கத்தில் சலார் 2 திரைப்படத்தில் நடிக்க இருக்கின்றார். இந்த திரைப்படத்தை ஹொம்பாலே நிறுவனம் தயாரிக்க இருக்கின்றது.

இது தொடர்பான அறிவிப்பு இரண்டு தினங்களுக்கு முன்பு தான் வெளியானது.  இந்த திரைப்படம் இல்லாமல் தற்போது கைவசம் ஸ்பிரிட் என்கின்ற திரைப்படத்தையும் வைத்திருக்கின்றார் நடிகர் பிரபாஸ். இந்நிலையில் சலார் 2 திரைப்படத்தில் பிரபாஸ் உடன் இணைந்து பிரபல கொரியன் நடிகர் நடிக்க இருப்பதாக தகவல் வெளியாகி இருக்கின்றது.

இதையும் படிங்க: Amaran: ரஜினி படத்தையே ஓவர்டேக் பண்ண அமரன்?!… 10 நாளில் எகிறிய எஸ்கே-வின் மார்க்கெட்!…

கொரியன் நடிகர் டான் லீ: கொரியன் சினிமாவில் சூப்பர் ஸ்டார் என்று ரசிகர்களால் கொண்டாடப்பட்டு வரும் நடிகர் டான் லீ.  இவருடைய ஆக்சன்களுக்கு பல கோடி ரசிகர்கள் இருக்கிறார்கள். இவர் தன்னுடைய instagram பக்கத்தில் சலார் 2 படத்தை குறிப்பிட்டு ஸ்டோரி ஒன்றை பதிவிட்டு இருக்கின்றார். இதன் மூலம் அவர் பிரபாஸ் உடன் இணைந்து சலார் 2 திரைப்படத்தில் நடிப்பது உறுதியாகி இருக்கின்றது. இது பிரபாஸ் ரசிகர்களிடையே மிகப்பெரிய மகிழ்ச்சியை ஏற்படுத்தி இருக்கின்றது.