இனிமே ஒரு பைசா கூட செலவழிக்க முடியாது என லைகா திட்டவட்டம்?.. மீண்டும் கிளம்பிய பஞ்சாயத்து!..

ஷங்கர் இயக்கத்தில் கமல்ஹாசன், காஜல் அகர்வால், எஸ் ஜே சூர்யா உள்ளிட்ட பலர் நடித்துள்ள இந்தியன் 3 திரைப்படம் அடுத்த ஆண்டு வெளியாகும் என அறிவிக்கப்பட்டுள்ளது. ஆனால், இந்தியன் 2 திரைப்படம் தோல்வியை தழுவிய நிலையில், இந்தியன் 3 திரைப்படத்திற்கு ரசிகர்கள் மத்தியில் ஜீரோ எதிர்பார்ப்பு தான் உள்ளது.

இந்தியன் 2 படத்தின் வசூல் நிலவரத்தை ஆராய்ந்து பார்த்த லைகா நிறுவனம் இந்தியன் 3 திரைப்படம் வெளியானால் கூட லாபம் கிடைக்காது என்பதை புரிந்து கொண்ட நிலையில், அதிரடியாக ஷங்கருக்கு எந்தவொரு புரமோஷனையும் செய்ய வேண்டாம் என உத்தரவிட்டு இருப்பதாக கூறுகின்றனர்.

இந்தியன் 2 படத்துக்கு துபாயில் ஸ்கை டைவிங் எல்லாம் செய்து இந்தியன் 2 பேனரை பறக்க விட்டனர். சிங்கப்பூர், மலேசியா என தனி விமானம் மூலமாக கமல்ஹாசன், சித்தார்த், எஸ்.ஜே. சூர்யா உள்ளிட்ட பலர் புரமோஷனுக்கு சென்று வந்தனர்.

ஆனால், ஓவர்சீஸில் கொஞ்சம் கூட இந்தியன் 3 படத்துக்கு வசூல் வரவே இல்லை என்பதை அறிந்து கொண்ட லைகா நிறுவனம் இந்தியன் 3 படம் வெளி வந்தால் கூட வெற்றி பெறாது என்கிற முடிவுக்கு வந்து தேவையில்லாத செலவை ஷங்கர் செய்யத் தேவையில்லை எனக் கூறிவிட்டதாம்.

இந்தியன் 2 திரைப்படம் திங்கட்கிழமையான நேற்று இந்திய அளவில் வெறும் 3.5 கோடி ரூபாய் மட்டுமே வசூல் செய்துள்ளதாக கூறுகின்றனர். வெளிநாடுகளில் 1.5 கோடி வசூல் செய்து மொத்தமாக 5 கோடி ரூபாய் வசூல் நேற்று வந்திருக்கிறதாம்.

இதுவரை இந்தியன் 2 திரைப்படம் ஒட்டுமொத்தமாக 75 கோடி முதல் 78 கோடி ரூபாய் வரை வசூலை அள்ளியிருக்கும் என்கின்றனர். அதிகபட்சமாக 90 கோடி லைஃப்ட் டைம் வசூல் வருமா? என்பதே சந்தேகம் தான் என்கின்றனர்.