பல கோடி மதிப்புள்ள லம்போகினி காரை வைத்திருக்கும் திரைப்பிரபலங்கள்!.. அஜித்தான் டாப்பு!..

பொதுவாக திரையுலகில் அதிக சம்பளம் வாங்கும் நடிகர்கள் விலை மதிப்புள்ள கார் வைத்திருப்பார்கள். கார்களின் மீது அதிக பிரியம் உள்ள சில நடிகர்கள் அதிக கார்களை வைத்திருப்பார்கள். நடிகர் கவுண்டமணி 10க்கும் மேற்பட்ட கார்களை வைத்திருந்ததாக கூட ஒரு செய்தி உண்டு.

காமெடி நடிகரே அப்படி எனில் ஹீரோக்கள் பற்றி சொல்ல வேண்டுமா!.. எல்லா பெரிய நடிகர்களிடமும் விலை உயர்ந்த சில கார்கள் இருக்கிறது. ஆடி, ரோல்ஸ் ராய்ஸ், பி.எம்.டபிள்யூ போன்ற கார்கள் அவர்களிடம் இருக்கிறது. அதேபோல், அதிக பட்ஜெட்டுகளில் படமெடுக்கும் பெரிய தயாரிப்பாளர்களும் விலையுயர்ந்த கார்களை வைத்திருப்பது வழக்கம்.

இதையும் படிங்க: தக் லைஃப்’ படத்தில் நடிகருக்கு ஏற்பட்ட விபத்து.. மீண்டும் மீண்டுமா?!.. அட இவருக்கா?…

இது கோலிவுட், டோலிவுட், பாலிவுட் என எல்லாவற்றுக்கும் பொருந்தும். விலை உயர்ந்த காரை வைத்திருப்பதை ஒரு கவுரமாகவே பலரும் கருதுவார்கள். இந்நிலையில், விலை உயர்ந்த கார்களில் ஒன்றான லம்போகினி காரை வைத்திருக்கும் திரைப்பிரபலங்கள் பற்றி இங்கே பார்ப்போம்.

மலையாளம் மற்றும் தமிழில் படங்களில் கலக்கி வரும் நடிகர் பஹத் பாசில் ஒரு லம்போகினி காரை வைத்திருக்கிறார். இதன் விலை 3 கோடியே 15 லட்சம். அடிக்கடி இந்த காரை அவர் பயன்படுத்துகிறார். தயாரிப்பாளர் மற்றும் நடிகர் ஆர்.கே வைத்திருக்கும் லம்போகினி காரின் விலை 3 கோடியே 45 லட்சம்.

மலையாள நடிகர் பிரித்திவிராஜ் வைத்திருக்கும் லம்போகினி காரின் விலையும் 3 கோடியே 15 லட்சம்தான். அதேபோல், தமிழில் பல திரைப்படங்களுக்கு இசையமைத்திருக்கும் ஹாரிஸ் ஜெயராஜ் வைத்திருக்கும் லம்போகினி காரின் விலை 3 கோடியே 69 லட்சம் ஆகும். இதில், அஜித் வைத்திருக்கும் லம்போகினி காரின் விலைதான் மிகவும் அதிகம்.

அதன்விலை 34 கோடி என சொல்லப்படுகிறது. அஜித் ஒரு கார் பிரியர் என்பது எல்லோருக்கும் தெரியும். இவரிடம் பல வகையான கார் மற்று பைக்குகள் இருக்கிறது. குறிப்பாக பல லட்சம் மதிப்புள்ள பல பைக்குகளை அஜித் வைத்திருக்கிறார். அடிக்கடி அந்த பைக்குகளை எடுத்துகொண்டு நண்பர்களுடன் ஊர் சுற்ற போய்விடுவார் என்பது குறிப்பிடத்தக்கது.