ஒரே பாடலில் ஒட்டு மொத்த சேட்டைகளையும் செய்த ஜானகி… 80களில் தெறிக்கவிட்ட பாடல்..

தமிழ்த்திரை உலகில் பிரபல பாடகி ஜானகியின் குரலுக்கு ஒரு சிறப்பு உண்டு. குழந்தை, வயதானவர், சிணுங்கல், காமம் என அத்தனை உணர்வுகளையும் வெளிப்படுத்துவார் ஜானகி.

80களில் அடித்தட்டில் உள்ள ஒரு கிராமத்துப் பெண்ணுக்கு உரிய நிலைமையை அப்படியே அவரது உணர்வுகளை வெளிப்படுத்தி இருந்தார் ஜானகி. பூட்டாத பூட்டுக்கள் என்ற படம். மகேந்திரன் இயக்கியுள்ளார். மலையாள நடிகர் ஜெயன் நடித்தார். முதலில் மகேந்திரன் ரஜினியிடம் தான் இந்தக் கதையைச் சொன்னாராம். அந்தக் கதை தனக்குப் பொருந்தாது என்று சொன்னதால் ஜானி படத்தில் நடிக்க வைத்தாராம் மகேந்திரன்.

இதையும் படிங்க… ஹீரோவை தேடித்தேடி ஓய்ந்து போன பாரதிராஜா!.. விபத்து மூலம் கிடைத்த ஹீரோ.. இது நவரச நாயகன் கதை!..

இந்தப் படத்தில் வந்த ஒரு பாடல் தான் இது. ஆண்டிப்பட்டி மாரியப்பன் பொண்டாட்டி என்று தொடங்குகிறது அந்தப் பாடல். இந்தப் பாட்டுக்கு இடையிலேயே ஒப்பாரியும் வருகிறது. வசனமும் வருகிறது. பாடலை எழுதியவர் பஞ்சு அருணாச்சலம். அந்தக் காலகட்டத்தில் கிராமத்தில் இருந்த வழக்குச் சொற்களை வைத்து எழுதியுள்ளார்.

பாடலில் வெள்ளிமூக்குக் கழுதை, ஓட்டக்காலு, நொள்ளக்கண்ணு என கிண்டலுக்கு அளவே இல்லை. இளையராஜா நாட்டுப்புற இசையுடன் அதில் தன்னோட வித்தையையும் கலந்து இருந்தார். பாடலுக்கு இடையில் கங்கை அமரனும் வசனம் பேசுகிறார்.

அந்தவகையில் இந்தப்பாடல் . ஆண்டிப்பட்டி மாரியப்பன் பொண்டாட்டி… நான் இதுக்கு மேல என்னத்த சொல்ல அண்ணாச்சி… ஆசையோட தான் வாக்கப்பட்டேனே… ஆறு மாசம் ஆன பின்னே ஏச்சிப்புட்டானே… என ஆரம்பிக்கிறது

PP

ஒரு கிராமப்பெண் தனது நிலையை அழுகை, ஒப்பாரி மூலம் 2 நபர்களிடம் முன்வைக்கிறாள். அதில் அண்ணாச்சி என்றதும் அவர்களுக்குள் கோபம் வருகிறது. நான் அண்ணன்லாம் இல்லன்னு ஒருவருக்கொருவர் மோதிக்கொள்கிறார்கள்.

பாடலுக்கு இடையில் குருத்துவாளை கன்னு போல குமரிப்பொண்ணு நானிருக்கேன். கூறுகெட்ட அத்தைமகன் வேறொருத்தி சகவாசம், அடுத்து மிளகா குழம்போட நானிருக்க, மூதேவி அத்தை மகன் முண்டச்சி சகவாசம்… என பாடல் பட்டையைக் கிளப்புகிறது. இந்தப் பாடலில் பாடகி ஜானகி பல்வேறு உணர்வுகளைக் குரலில் கொண்டு வந்து மாயாஜாலம் காட்டியிருப்பார்.

மேற்கண்ட தகவலை ஆலங்குடி வெள்ளைச்சாமி காணொளி ஒன்றில்
தெரிவித்துள்ளார்.