அறிமுகம் இயக்குனர் ராஜா கருப்பசாமி இயக்கத்தில் வெளியாகி ரசிகர்களிடம் மட்டுமல்லாமல் திரைக்கலைஞர்கள் மற்றும் இயக்குனர்களிடமும் பாராட்டைப் பெற்ற திரைப்படம் மொத ராத்திரி. இந்த படத்தை பார்த்த பல நடிகர்கள் மற்றும் இயக்குனர்கள் ராஜா கருப்புசாமியை நேரில் அழைத்து பாராட்டியிருந்தனர்.
ரஜினிகந்த், கமல், சூர்யா சிம்பு, தனுஷ் கார்த்தி ஆகியோர் படக்குழுவை அழைத்து பாராட்டிய நிலையில் தற்போது ராஜா கருப்பசாமியை நடிகர் சிவகார்த்திகேயன் நேரில் அழைத்து பாராட்டி பேசியிருக்கிறார். இது தொடர்பான புகைப்படத்தை ராஜா கருப்பசாமி தனது சமூகவலைத்தள பக்கங்களில் பகிர்ந்து தனது மகிழ்ச்சியை வெளிப்படுத்தியிருக்கிறார்.
இந்தப் புகைப்படம் எனக்கு எவ்வளவு முக்கியமானது என்பதை வார்த்தைகளால் விவரிக்க முடியாது. உங்களைப் போன்ற ஒரு ‘என்டர்டெய்னராக’ (பொழுதுபோக்குக் கலைஞராக) மாற வேண்டும் என்ற நோக்கத்துடன்தான் நான் சென்னைக்கு வந்தேன், பெரிய கனவுகளைக் காணவும், சினிமாத் துறையில் பயணிக்கவும் எனக்கு உத்வேகம் அளித்தவர்களில் நீங்களும் ஒருவர். இன்று எனக்கென ஒரு திரைப்படத்தை உருவாக்கி, அதற்காக உங்களிடமிருந்து இந்த அங்கீகாரத்தைப் பெறுவது உண்மையிலேயே மிகவும் சிறப்பான ஒன்று.
உங்கள் அன்புக்கும் பாராட்டுக்கும் மிக்க நன்றி சார். எனது குழுவினரும் நானும் பெற்ற பாராட்டுக்களிலேயே மிகவும் கலகலப்பான மற்றும் மகிழ்ச்சியான பாராட்டு இதுதான்! ஒரு திரைப்படத் தயாரிப்பாளராக, எங்கள் படைப்பு மக்களைச் சென்றடைவதையும், நாங்கள் பெரிதும் மதிக்கும் ஒருவரிடமிருந்து அதற்கான அன்பைப் பெறுவதையும் பார்ப்பதை விட மகிழ்ச்சியான விஷயம் வேறெதுவும் இல்லை. இந்தப் புகைப்படம் என் வாழ்நாள் முழுவதும் நான் போற்றிப் பாதுகாக்கும் ஒரு நினைவாக இருக்கும்’என உருகியிருக்கிறார் ராஜா கருப்பசாமி.
