தமிழக தேர்தல் வாக்குப்பதிவு சமீபத்தில் கோலாகலமாக நடந்து முடிந்துள்ளது. இதுவரை இல்லாத அளவிற்கான மக்கள் எழுச்சியும், விறுவிறுப்பான வாக்குப்பதிவும் இந்த தேர்தலை ஒரு ஜனநாயகத் திருவிழாவாகவே மாற்றிக் காட்டியுள்ளது. இந்தத் தேர்தலில் மக்கள் காட்டிய ஆர்வம் பல அரசியல் மாற்றங்களுக்கான ஆரம்பம் என பேசப்படுகிறது.
இந்த முறை தேர்தல் களம் முன்னெப்போதும் இல்லாத வகையில் மிகப்பெரிய திருவிழா போலக் காட்சியளித்தது. குறிப்பாக, வெளிநாடுகளில் பணிபுரியும் மற்றும் வசிக்கும் ஏராளமான தமிழர்கள், தங்கள் ஜனநாயகக் கடமையை ஆற்றுவதற்காகவே பல ஆயிரங்களைச் செலவழித்து விமானம் மூலம் தமிழகம் வந்திருந்தனர். விமான நிலையங்களில் அலைமோதிய கூட்டமும், ஓட்டுப் போடுவதற்காகவே தாயகம் வந்த அவர்களின் ஆர்வமும் ஒட்டுமொத்த தமிழகத்தையும் ஆச்சரியத்தில் ஆழ்த்தியது. இளைஞர்கள், முதல்முறை வாக்காளர்கள் என பலரும் அதிகாலையிலேயே ஆர்வத்துடன் நீண்ட வரிசையில் நின்று வாக்களித்து மாபெரும் ஜனநாயகக் கடமையை நிறைவேற்றினர்.
தமிழக வெற்றிக் கழகத் தலைவர் விஜய் முதன்முறையாகத் தேர்தல் களத்தில் குதித்துள்ள நிலையில், அவர் மீதான அன்பும் எதிர்பார்ப்பும் இந்த தேர்தலில் பெரும் தாக்கத்தை ஏற்படுத்தியுள்ளதை சமூக வலைதளங்களில் காண முடிகிறது. வெளிநாடுகளிலிருந்து வந்து வாக்களித்த பலரும், விஜய் அண்ணாவுக்காகவே வந்தோம் என வீடியோக்களாகப் பதிவிட்டு வருவது இணையத்தில் மிகப்பெரிய ட்ரெண்டாக மாறியுள்ளது.
இந்நிலையில், மக்களின் இந்த எழுச்சியைக் கண்டு பிரபல பின்னணிப் பாடகர் கிரிஷ் மிகவும் நெகிழ்ச்சியுடன்
என்ன மாதிரி ஒரு தேர்தல் இது.. இப்படி ஒரு தேர்தலை யாரும் இதுவரை பார்த்ததில்லை. எவ்வளவு பேர் வெளிநாட்டிலிருந்து வந்து ஓட்டுப் போட்டு இருக்கீங்க.. உங்க அனைவருக்கும் ஹாட்ஸ் ஆஃப் . விஜய் அண்ணா மேல நீங்க வச்சிருக்க அந்த அன்பைப் பார்க்கும்போது அவ்வளவு எமோஷனலாக இருக்கிறது. ஒவ்வொரு வீடியோவைப் பார்க்கும் போதும் கண்ணில் கண்ணீர் தழும்புகிறது. 4-ஆம் தேதி வருவார் கரிகாலன் என்று கிரிஷ் மிகவும் உணர்ச்சிப்பூர்வமாகத் தெரிவித்துள்ளார்.
