லைகா வயித்துல பாலை வார்த்த அஜித் குமார்!.. ஒரு வழியா பெரிய கும்பிடு போட்டுட்டாங்க!..

விடாமுயற்சி படத்தின் கதை முழுக்கவே அஜர்பைஜானில் நடைபெற்று வந்த நிலையில், ஒட்டுமொத்த படப்பிடிப்பையும் அங்கே முடித்து விட்டனர். இயக்குனர் மகிழ் திருமேனி, அஜித் குமார் உள்ளிட்ட டோட்டல் டீமும் அஜர்பைஜான் பாலை வனத்தில் உள்ள சாலையில் நின்றுக் கொண்டு எடுத்த க்ரூப் போட்டோ மற்றும் வீடியோவை வெளியிட்டு விடாமுயற்சி படத்தின் அஜர்பைஜான் ஷெட்யூல் மொத்தமாக முடிந்து விட்டதாக அறிவித்துள்ளனர்.

சென்னையில் சில நாட்கள் படப்பிடிப்பு இருக்குமா? அல்லது ஒட்டுமொத்த விடாமுயற்சி படத்தின் படப்பிடிப்பும் நிறைவடைந்ததா என்பது தெரியவில்லை. விடாமுயற்சி மொத்த படப்பிடிப்பும் ஓவர் என படக்குழு அறிவிக்கவில்லை.

இதையும் படிங்க: தயாரிப்பாளருடனான பிரச்சினையால் பாதியிலேயே படத்தில் இருந்து விலகிய அஜித்! தூக்கி நிறுத்திய நடிகர் யார் தெரியுமா?

அஜர்பைஜானில் நடைபெற்ற படப்பிடிப்பு மட்டுமே முடிவடைந்ததாக அறிவித்துள்ளனர். கடத்தப்பட்ட மனைவி திரிஷாவை அஜித் குமார் அந்த பெரிய பாலைவன சாலையில், கார் ஓட்டிக் கொண்டே கிளைமேக்ஸ் வரை வில்லன் ஆட்கள் ஒவ்வொருவராக பிடித்து தேடிப் பிடிக்கும் கதை தான் இந்த விடாமுயற்சி என்கின்றனர்.

1997ம் ஆண்டு கர்ட் ரஸல் நடிப்பில் வெளியான ஹாலிவுட் படமான பிரேக் டவுன் படத்தின் காப்பியா? அல்லது அந்த படத்தின் அதிகாரப்பூர்வ ரீமேக்கா என ஏகப்பட்ட பேச்சுகள் கோடம்பாக்கத்தில் படத்தின் விபத்து காட்சி வெளியான போதே அடிபட்டன.

இதையும் படிங்க: கண்ணில் இருந்து தாரை தாரையாகக் கண்ணீர்..! இளையராஜாவைப் பாட வைத்த யேசுதாஸ்… அட அந்தப் பாடலா?

விடாமுயற்சி திரைப்படம் மொத்தமும் அஜர்பைஜானில் நடைபெற்று வரும் நிலையில், படம் ஃபாரீன் படமாக கலர்ஃபுல்லாக இருக்காது என்றும் ஆடு ஜீவிதம் போல ட்ரை சப்ஜெக்டாக மட்டுமே இருக்கும் என்றும் அதை போக்கத்தான் அஜித்தின் யங் தோற்றம் ஃபிளாஷ்பேக் காட்சியில் வரும் என்கின்றனர்.

விடாமுயற்சி படத்திற்கு அதிக செலவை இழுத்து விட்டதே இந்த அஜர்பைஜான் ஷெட்யூல் தான் என்றும் போட்டோவில் பார்த்தாலே எத்தனை பேர் பணியாற்றியுள்ளனர் என்பது தெரியும். அவர்களுக்கான பயணச் செலவு, தங்கும் வசதி, உணவு மற்றும் சம்பளம் என்றே இந்த படத்திற்கு பல கோடிகள் செலவாகி விட்டது என்கின்றனர். ஒருவழியாக அந்த படப்பிடிப்பு நிறைவடைந்த நிலையில், நிம்மதி பெருமூச்சை லைகா விட்டு இருப்பதாக கூறுகின்றனர்.

இதையும் படிங்க: மெட்ராஸ் படம் எடுத்துட்டா என்ன வேணாலும் பேசுவியா!.. பா. ரஞ்சித்துக்கு பதிலடி கொடுத்த இயக்குனர்!..