சிலம்பரசனை நேரில் சந்தித்த யூத் படக்குழு

கென் கருணாஸ் இயக்கி நடித்து கடந்த மார்ச் 19 அன்று வெளியான படம் யூத். ஜி.வி.பிரகாஷ் இசையமைத்துள்ல் இந்த படம் மொத்த பட்ஜெட்டே ரூ 5.5 கோடி. ஆனால் படம் இதுவரை மொத்தம் ரூ 25 கோடி வரை வசூல் செய்துள்ளது.

இன்னும் திரையரங்குகள் ஹவுஸ்புல்லாக ஓடிக்கொண்டிருக்கிறது. திரையரங்குகளில் இளைஞர்கள் காட்சிக்கு கட்சி கைதட்டி மகிழ்கிறார்கள். கிட்டதட்ட ஒரு புதுமுக நடிகருக்கு இவ்வளவு பெரிய வசூலா என்று திரையுலகினரே அச்சரியப்படுகின்றனர்.

இந்த நிலையில் யூத் டீம் நடிகர் சிலம்பரசனை நேரில் சந்தித்து வாழ்த்து பெற்றனர். படத்தின் நடிகர் கென் கருணாஸ் உடன் நாயகிகள் மற்றும் உடன் நடித்தவர்கள் நேரில் சென்றனர். அந்த புகைப்படங்கள் இணையத்தில் வைரலாகி வருகின்றன.