விடாமுயற்சி திரைப்படத்தின் படப்பிடிப்பு நிறுத்தி வைக்கப்பட்ட நிலையில் தற்போது மீண்டும் படப்பிடிப்பு ஆரம்பமாக உள்ளதாக தகவல்கள் வெளியாகி உள்ளன. லைக்கா தயாரிப்பில் மகிழ் திருமேனி இயக்கத்தில் அஜித் குமார், திரிஷா, அர்ஜுன், ரெஜினா கசாண்ட்ரா மற்றும் பிக் பாஸ் ஆரவ் உள்ளிட்ட பலர் நடிப்பில் கடந்த ஆண்டு விடாமுயற்சி திரைப்படம் ஆரம்பிக்கப்பட்டது,
கடந்த ஆண்டு மே 1-ம் தேதி அஜித்தின் பிறந்த நாளை முன்னிட்டு விடாமுயற்சி படத்தின் டைட்டில் லுக் போஸ்டர் வெளியானது. கடந்த ஆண்டு இறுதியில் அஜர்பைஜானில் நடைபெற்ற படப்பிடிப்பின் போது அஜித் காரை ஒட்டிச் சென்று விபத்து செய்வது போன்ற காட்சிகள் படமாக்கப்பட்டன. அதன் பின்னர் சென்னை திரும்பிய படக்குழு மீண்டும் அஜர்பைஜானுக்கு போக முடியாத சூழலில் படப்பிடிப்பு கடந்த 6 மாதங்களாக நிறுத்தி வைக்கப்பட்டன.
இதையும் படிங்க: முதல் நாளிலேயே அடிவாங்கிய மோகன் படம்!.. ’ஹரா’ வசூல் இவ்வளவுதானா?.. அப்போ ’கோட்’ நிலைமை?
விடாமுயற்சி திரைப்படம் அவ்வளவு தான் எனக் கூறப்பட்ட நிலையில், மைத்ரி மூவி மேக்கர்ஸ் தயாரிப்பில் அஜித் குமார் ஆதிக் ரவிச்சந்திரன் இயக்கத்தில் குட் பேட் அக்லி படத்தில் நடிக்க சென்று விட்டார். இந்நிலையில், அந்த படத்தின் முதல் ஷெட்யூல் நிறைவடைந்த நிலையில், ஆதிக் ரவிச்சந்திரன் மற்றும் படக்குழுவினருடன் எடுத்துக் கொண்ட போட்டோக்களை அஜித் தரப்பு சோஷியல் மீடியாவில் வெளியிட்டு வைரலாக்கி வருகிறது.
லைகா நிறுவனம் இந்தியன் 2 படத்தை வெளியிட திட்டமிட்டுள்ள நிலையில், விடாமுயற்சி படத்தையும் எப்படியாவது முடித்து இந்த ஆண்டு தீபாவளிக்கு வெளியிட திட்டமிட்டு இருப்பதாக தெரிகிறது. அஜித் மற்றும் படக்குழுவினரிடம் சுமூக பேச்சுவார்த்தைகள் நடைபெற்ற நிலையில், அஜித் குமார் குட் பேட் அக்லி டீமுக்கு குட்டி குட்பை சொல்லி விட்டு மீண்டும் விடாமுயற்சி படத்தில் நடிக்க வரும் ஜூன் 20ம் தேதி அஜர்பைஜானுக்கு சென்றடைந்து விடுவார் என்கின்றனர்.
இதையும் படிங்க: சூரியுடன் எஸ்.கே.வுக்கு இப்படி ஒரு கூட்டா!… சைலண்டா எல்லா வேலையும் பாக்குறாங்க!…
கடந்த ஆறு மாதங்களாக கஷ்டத்தில் இருந்த மகிழ் திருமேனி அசுர வேகத்தில் விடாமுயற்சி ஒரே மூச்சில் 30 நாட்களுக்குள் முடித்து விட திட்டமிட்டுள்ளாராம். ஆனால், ஆதிக் ரவிச்சந்திரனுக்குத் தான் தற்போது அடி வயிறு கலங்குவதாக கூறுகின்றனர். பொங்கல் ரிலீஸ் என அறிவித்த நிலையில், அஜித் சீக்கிரம் வருவாரா? திட்டமிட்டப்படி முடிக்க முடியுமா என குழம்பி வருவதாக கூறுகின்றனர்.