வெற்றித்துரைசாமிக்கும் அஜித்துக்கும் அப்படி என்ன நெருக்கம்? ஓடோடி வந்ததன் காரணம்

Actor Ajith: தமிழ் சினிமாவில் ஒரு உச்சம் தொட்ட நடிகராக வலம் வருபவர் நடிகர் அஜித். சினிமாவில் இந்தளவுக்கு வளர்ச்சியை அடைந்ததற்கு பின்னாடி அஜித் பட்ட கஷ்டங்கள் அவர் எதிர்கொண்ட பிரச்சினைகள் கேலி, கிண்டல்கள் ஏராளம். அதையெல்லாம் மனதில் ஏற்றிக் கொண்டு இன்று ஒட்டுமொத்த சினிமாவும் அண்ணாந்து பார்க்கும் அளவுக்கு வளர்ந்திருக்கிறார் அஜித்.

தற்போது அஜித் விடாமுயற்சி படத்தில் பிஸியாக நடித்து வருகிறார். இந்த நிலையில் சைதை அறக்கட்டளை நிறுவனர் சைதை துரைச்சாமியின் மகன் வெற்றித்துரைச்சாமியின் மறைவிற்கு நேரில் அஞ்சலி செலுத்த முதல் ஆளாக வந்து இறங்கியிருக்கிறார் அஜித்.

இதையும் படிங்க: மூணு பக்க அறிக்கை.. விளங்காத விஷால்! விஜய்க்காக ஏன் இவ்வளவு மெனக்கிடல்?

அதுவும் நீண்ட நேரமாக வெற்றித்துரைச்சாமியின் வீட்டிலேயே காத்துக் கொண்டிருக்கிறார். கூடவே அவரது மனைவி ஷாலினியும் வந்திருக்கிறார். ஒட்டுமொத்த தமிழகத்தையே அழுகுரலுக்கு ஆழ்த்தி சென்ற விஜயகாந்தின் மறைவிற்கு வராத அஜித் வெற்றி துரைச்சாமியின் மறைவிற்கு முதல் ஆளாக வந்திருப்பது அனைவருக்கும் ஆச்சரியத்தை ஏற்படுத்தியிருக்கிறது.

ஏனெனில் அஜித்தும் வெற்றித்துரைச்சாமியும் நெருங்கிய நண்பர்களாம். இதற்கு முன் அஜித்துக்கு என சொல்லிக் கொள்ளும் படி நண்பர்கள் கிடையாது என்றுதான் கேள்விப்பட்டிருக்கிறோம். ஆனால் வெற்றி ஒரு சிறந்த நண்பராம். அதுவும் வெற்றியை சினிமாவில் அறிமுகப்படுத்தியதில் அஜித்திற்கு ஒரு முக்கிய பங்கு உண்டாம்.

இதையும் படிங்க: இப்படி ஒரு டைட்டில் வச்சதால எனக்கு நேர்ந்த கொடுமை! அர்ஜூன் சொன்ன அந்தப் படம் எதுனு தெரியுமா?

ஒரு 10 அல்லது 15 வருடத்திற்கு முன்பாகவே அஜித்தை வைத்து ஒரு படம் எடுக்க வேண்டும் என வெற்றி திட்டமிட்டிருந்தாராம். ஆனால் வேறொரு காரணத்தில் அது தள்ளிப் போய்க் கொண்டே இருந்ததாம். ஆனால் இந்த படம் சம்பந்தமாக அஜித்தும் வெற்றியும் பல நாள்கள் அடிக்கடி சந்தித்து பேசிக் கொள்வார்களாம். அதிலிருந்தே இருவருக்கும் நல்ல பழக்கமாம்.

அதுமட்டுமில்லாமல் அஜித்தின் பைக் ரேஸ் , கார் ரேஸில் ஒரு முக்கிய உறுப்பினராகவும் வெற்றி இருந்தாராம். இதன் காரணமாகவே அஜித்துக்கும் வெற்றிக்கும் ஒரு ஆழமான நட்பு இருந்து வந்திருக்கிறது. அந்த நட்பிற்கு மரியாதை கொடுக்கும் விதத்திலேயே அஜித் இன்று வெற்றிக்கு அஞ்சலி செலுத்த முதல் ஆளாக வந்திருக்கிறார் என்று சொல்லப்படுகிறது.

இதையும் படிங்க: உனக்கு ஒன்னுன்னா நான் இறங்கி வருவேன்டா!… வெற்றி துரைசாமி அஞ்சலி செலுத்த வந்த அஜித்..