Thuglife: கமல்ஹாசன் நடிப்பில் இன்னும் சில தினங்களில் வெளியாக இருக்கும் தக் லைஃப் திரைப்படம். இப்படத்திற்கு வெற்றிகரமாக முதல் பிரச்னையை உருவாக்கி வைத்து விட்டார் கமல்ஹாசன்.
மணிரத்னம் இயக்கத்தில் வெளியாக தக் லைஃப் படத்தின் டைட்டில் டீசரே ஆச்சரியமாக பார்க்கப்பட்டது. இதை தொடர்ந்து இப்படத்தில் கமல்ஹாசன், ரவி மோகன், துல்கர் சல்மான் உள்ளிட்டோர் நடிக்க இருப்பதாக அறிவிப்பு வெளியானது. படப்பிடிப்பு தொடங்க இருந்த சமயத்தில் துல்கர் வெளியேறினார்.
அவரை தொடர்ந்து ரவி மோகனும் படத்தில் இருந்து விலகுவதாக தெரிவித்தார். பின்னர், சிலம்பரசன் மற்றும் அசோக் செல்வன் இருவரும் படத்தில் இணைந்தனர். ஆனால் சிம்புவிற்கு பெரிய அளவில் வரவேற்பு கொடுத்தனர். படத்தின் கதையை கூட மணிரத்னம் மாற்றியதாக கூறப்பட்டது.
இதை தொடர்ந்து படப்பிடிப்புகள் முடிந்து தற்போது படம் ரிலீஸுக்கு தயாராகி விட்டது. ஜூன் 5ந் தேதி படம் இந்தியா முழுவதிலும் வெற்றிகரமாக வெளியிடப்பட இருக்கிறது. இதை தொடர்ந்து படக்குழு பரபரப்பாக புரோமோஷன் பணிகளில் ஈடுபட்டு வருகிறது.
இந்நிலையில் ஒரு நிகழ்ச்சியில் கலந்துக்கொண்ட கமல்ஹாசன் தமிழில் இருந்து தான் கன்னடம் பிறந்தது என பேசி இருந்தார். இது தற்போது சர்ச்சையை கிளப்பி இருக்கிறது. கமல்ஹாசன் மாதிரி ஒரு பெரிய நடிகர் கன்னட மக்களை புண்படுத்தி விட்டார் எனவும் விமர்சித்து வருகின்றனர்.
இதனால் தக் லைஃப் படத்துக்கு தற்போது பெரிய எதிர்ப்பு கிளம்பி இருக்கிறது. கன்னடாவில் படத்தினை திரையிட விடுவார்கள் என்ற கேள்வியும் எழுந்துள்ளது. முதல் பிரச்னையே பெரிதாக இருப்பதால் இது படத்தின் வசூலையும் அடிக்கும் எனவும் கூறப்படுகிறது.
