ஆனந்தராஜை ஹீரோவாக நினைத்த சூப்பர் ஹிட் பட இயக்குனர்… ஆனால் இடையில் புகுந்த மாஸ் ஹீரோ!...
Anantharaj: தமிழ் சினிமாவின் கிளாசிக் வில்லன்களில் நடிகர் ஆனந்தராஜுக்கும் இடம் உண்டு. வில்லனாக ஹிட்டடித்தவருக்கு ஹீரோ வாய்ப்பும் கிடைத்தும் அது நடக்காமல் போன அதிர்ச்சி சம்பவம் குறித்த தகவல்கள் வெளியாகி இருக்கிறது.
சிவில் சர்ஜனுக்கு மகனாக பிறந்தவர் நடிகர் ஆனந்தராஜ். அவரை போலீஸாக்க வேண்டும் என்ற ஆசையில் தந்தை இருந்தாராம். ஆனால் ஆனந்தராஜுக்கு வேறு எதுவும் செய்ய வேண்டும் என்ற ஆசை. இதையடுத்து அவர் பிலிம் இன்ஸ்டிட்யூட்டில் சேர்ந்தார். அவரின் வகுப்பு தோழர் கன்னட நடிகர் சிவராஜ் குமார் தானாம்.
இதையும் படிங்க: உங்களுக்கு எப்படி இது தெரியும்?!. அஜித்துக்கு வாலி எழுதிய வரிகள்!. வாயடைத்து போன இயக்குனர்…
ஆனால் படிப்பை முடித்துவிட்ட ஆனந்தராஜுக்கு முதலில் வாய்ப்பு சரியாக அமையவில்லையாம். பாசிட்டிவ் ரோல் என்பதால் பெரிய அளவில் ரீச் கொடுக்கவில்லை. பின்னர் விஜயகாந்துடன் நடித்து ஹிட்டடிக்க பல படங்களில் இவருக்கு வாய்ப்பு கிடைத்தது. நிறைய வாய்ப்புகள் வந்தாலும் சரியான வரவேற்பு அமையவில்லை.
நெகட்டிவ் ரோலுக்கு மாறிய பின்னரே ஆனந்தராஜ் அடையாளம் கிடைக்கும் நடிகராக மாறினார். இதையடுத்து, ரஜினிகாந்த், சரத்குமார் உள்ளிட்டோருக்கு வில்லனாக நடித்து புகழ் பெற்றார். அதை தொடர்ந்து சமீபத்திய காலமாக வில்லன் டூ காமெடியன் ரோலுக்கு தன் ரூட்டை மாற்றி கொண்டுவிட்டார்.
இதையும் படிங்க: முதல்வராகி முதன் முதலாக சொந்த ஊருக்கு போன எம்.ஜி.ஆர்!.. மனம் கலங்கி நின்ற நெகிழ்ச்சி தருணம்!..
இந்நிலையில், காமெடி, வில்லன் என தொடர் ரோல் கிடைத்த ஆனந்தராஜுக்கு ஹீரோ ரோலும் வந்ததாம். இயக்குனர் பவித்ரன் முதன்முதலாக சூரியன் படத்தின் கதையை தயார் செய்து வைத்து இருந்தார். அந்த கதையை படித்த தயாரிப்பாளர் ஒருவர் நடிகர் ஆனந்தராஜை இப்படத்தில் ஹீரோவாக நடிக்க வைக்கலாமே எனக் கேட்டாராம்.
ஆனால் பவித்ரனுக்கு நண்பனான ஆனந்தராஜை விட அப்படத்திற்கு சரத்குமார் நடித்தால் தான் சரியாக இருக்கும் என தோன்றவே அவரை பார்த்து கதை சொல்லி ஓகே செய்தாராம். இதையடுத்து, சரத்குமார் நடிப்பில் வெளியான சூரியன் திரைப்படம் மிகப்பெரிய அளவில் ஹிட்டடித்தது குறிப்பிடத்தக்கது.
