போற போக்குல விஜய் சேதுபதியை போட்டுவிட்ட இளையராஜா?!… என்ன மாமா இப்படி பண்ணிட்டீங்களே!…

விடுதலை 2 திரைப்படத்தின் ஆடியோ லான்ச் விழாவில் இளையராஜா சூரியை கலாய்ப்பது மட்டுமில்லாமல் விஜய் சேதுபதியையும் மாட்டி விட்டிருக்கின்றார்.

தமிழ் சினிமாவில் இசைஞானி என்று ரசிகர்களால் அன்போடு அழைக்கப்பட்டு வருபவர் இளையராஜா. அன்னக்கிளி என்ற திரைப்படத்தின் மூலமாக இசையமைப்பாளராக அறிமுகமான இவர் தொடர்ந்து ஆயிரத்திற்கும் மேற்பட்ட படங்களுக்கு இசையமைத்து இருக்கின்றார். இவரின் பாடல்கள் இன்றளவும் கொண்டாடப்பட்டு வருகின்றது.

இதையும் படிங்க: இப்படி நின்னா நாங்க காலி!.. அரைகுறை உடையில் கிக் ஏத்தும் மாளவிகா மோகனன்!..

நவீன காலத்தில் இளம் இசையமைப்பாளர்களுக்கு இணையாக இளையராஜா சுறுசுறுப்புடன் வேலை செய்து வருகின்றார். 80 வயது தாண்டிய நிலையில் தற்போது வரை படங்களுக்கு இசையமைத்து வருகின்றார் இளையராஜா. கடைசியாக ஜமா என்கின்ற திரைப்படத்திற்கு இசையமைத்திருந்தார். அப்படத்தில் இடம்பெற்று இருந்த பாடல்கள் அனைத்தும் மிகப்பெரிய வரவேற்பை பெற்றது.

இதனைத் தொடர்ந்து விடுதலை 2 திரைப்படமும் அவரது இசையில் வரவிருக்கின்றது. முதல் பாகம் வெளியாகிய மிகப்பெரிய வரவேற்பு பெற்ற நிலையில் இரண்டாவது பாகத்திற்கும் அவர்தான் இசையமைத்திருக்கின்றார். இப்படத்தில் இருந்து கடந்த சில தினங்களுக்கு முன்பு முதல் சிங்கிளான ‘தினம் தினமும்’ என்கின்ற பாடல் வெளியாகி மிகப்பெரிய வரவேற்பை பெற்றது.

வெற்றிமாறன் இயக்கத்தில் விஜய் சேதுபதி, சூரி ஆகியோர் நடிப்பில் இந்த திரைப்படம் உருவாகி இருக்கின்றது. முதல் பாகத்தில் விஜய் சேதுபதியின் காட்சிகள் கொஞ்சமாக இருந்த நிலையில் இரண்டாவது பாகம் முழுக்க முழுக்க அவரை மையப்படுத்தி எடுக்கப்பட்டு இருக்கின்றது. முதல் பாகத்திற்கு கிடைத்த வெற்றியை தொடர்ந்து இரண்டாவது பாகமும் மிகப்பெரிய வெற்றியை கொடுக்கும் என்று எதிர்பார்க்கப்படுகின்றது.

இந்நிலையில் இப்படத்தின் ஆடியோ லான்ச் நேற்று சென்னையில் நடைபெற்றது. இதில் வெற்றிமாறன், இளையராஜா, விஜய் சேதுபதி, சூரி உள்ளிட்ட படக்குழுவினர் கலந்து கொண்டிருந்தார்கள். இந்த நிகழ்ச்சியில் இளையராஜா சூரியை கிண்டல் செய்து இருக்கின்றார். அதாவது விடுதலை படத்தின் முதல் பாகத்தில் சூரி 50 பேரை அழைத்து வந்து கைதட்ட வைத்திருந்ததாக ஒரு தகவல் வெளியாகி இருந்தது.

இந்நிலையில் இந்த ஆடியோ லான்சில் இளையராஜா சூரியை பார்த்து’ என்ன நீங்க 50 பேரை அழைத்து வந்தீர்கள். உங்கள் பெயரை சொன்னதும் யாரும் கைதட்டல, விசில் அடிக்கல, ஒழுங்கா அவங்க வேலை செய்யவில்ல’ என்று கூறி கலாய்த்து இருக்கின்றார். உடனே சூரி இல்லை ஐயா நீங்கள் பேசும்போது குறுக்கிட்ட கூடாதுன்னு அவங்க அமைதியா இருக்கிறார்கள் என்று சொல்ல.. நீங்கள் எத்தனை படங்களில் கதையின் நாயகனாக நடிக்கிறீர்கள் என்று கேட்டார்.

இதையும் படிங்க: சூர்யா கெரியரில் மண்ணை அள்ளிப்போட்ட ஜோதிகா, கார்த்தி.. அந்தப் படம் மிஸ் ஆனது இதனாலயா?!…

அதற்கு சூரி 2 படங்கள் என்று கூற உங்களை ஹீரோவாக்குனது வெற்றிமாறன் தான். நீங்கள் காமெடியனாக இருந்தீர்கள். இப்போது ஹீரோவாக மாறி இருக்கிறீர்கள் இது காமெடியா இல்லையா? என்று கலாய்த்து விட்டிருக்கின்றார். இதைத்தொடர்ந்து நீங்கள் 50 பேரை அழைத்து வந்தீர்கள் என்பதை விஜய் சேதுபதி தான் தன்னிடம் சொன்னார் என்று போகிறபோக்கில் அவரையும் போட்டு கொடுத்து சென்று விட்டார் இளையராஜா. அப்போது நடிகர் சூரி விஜய் சேதுபதியை பார்த்து என்ன இப்படி செய்துவிட்டீர்கள் என்று கேட்டிருந்தார். இந்த சம்பவம் அந்த நிகழ்ச்சியில் மிகப்பெரிய சிரிப்பலையை ஏற்படுத்தியிருந்தது.