இசையமைப்பாளராக இருந்து நடிகராக மாறியவர் விஜய் ஆண்டனி. அதன்பின் தயாரிப்பாளராகவும், இயக்குனராகவும் மாறினார். தொடக்கத்தில் இவரின் நடிப்பில் வெளியான எல்லா படங்களுமே சூப்பர் ஹிட் அடித்தது. குறிப்பாக பிச்சைக்காரன் திரைப்படம் இவரை முன்னணி நடிகராக மாற்றியது.
இந்த படத்திற்கு பின்னர் தமிழ், தெலுங்கு இரண்டு மொழிகளிலும் இவரின் படங்கள் வெளியாகி வருகிறது. ஏனெனில் பிச்சைக்காரன் தெலுங்கில் டப் செய்யப்பட்டு நல்ல வசூலை பெற்றது..
இந்நிலையில், Pookie போக்கி என்கிற ஒரு திரைப்படத்தை விஜய் ஆண்டனி தயாரித்திருக்கிறார். இந்த படத்தில் அறிமுக நடிகர், நடிகை நடித்திருக்கிறார்கள். கணேஷ் சந்திரா என்பவர் படத்தை இயக்கியிருக்கிறார். இந்த படத்திற்கு விஜய் ஆண்டனி இசையமைத்திருக்கிறார். இந்த திரைப்படம் கடந்த வெள்ளிக்கிழமை வெளியானது..
இந்நிலையில் தனது சமூகவலை பக்கங்களில் பதிவிட்டுள்ள விஜய் ஆண்டனி ‘நல்ல சினிமா விரும்பிகளே. காதலன் காதலிகளே.. நான் போக்கி என்கிற ஒரு நல்ல படத்தை அறிமுக நடிகர்களை வைத்து தயாரித்து இரண்டு நாட்களுக்கு முன்பு ரிலீஸ் செய்திருக்கிறேன். போக்கி ஒரு சூப்பர் படம்.. பார்த்தவர்களிடம் கேளுங்கள்.. மிஸ் பண்ணாம பாருங்கள்.. அப்புறம் ஒரு நல்ல படத்தை தியேட்டர்ல மிஸ் பண்ணிட்டோம்னு ஃபீல் பண்ணாதீங்க’ என ஒரு பதிவிட்டிருக்கிறார்..