2018ல் வெளியான ராட்சசன் படத்துக்குப் பிறகு 4 வருடங்கள் வெற்றிக்காக போராடிய விஷ்ணு விஷாலுக்கு கட்டா குஸ்தி படம் மூலம் வெற்றி கிடைத்தது. 2022ல் ஐஸ்வர்யா லட்சுமியுடன் இணைந்து நடித்த அந்த படம் கமர்ஷியல் ரசிகர்களையும் கிராமத்து ரசிகர்களையும் வெகுவாக கவர்ந்தது.
அதன் பின்னர், விஷ்ணு விஷால் நடித்த படங்கள் எல்லாம் தொடர்ந்து சொதப்ப ஆரம்பித்தன. கடந்த ஆண்டு செல்வராகவன் உடன் அவர் நடித்த ஆர்யன் திரைப்படம் வித்தியாசமாக இருந்தாலும், அதையே காரணம் காட்டி படத்தை படுதோல்வி அடைய செய்துவிட்டனர்.
தனது தம்பியை ஹீரோவாக அறிமுகம் செய்யலாம் என தானே சொந்த பணத்தில் ஓஹோ எந்தன் பேபி எனும் படத்தை எடுத்தார். அதுவும் ஓடவில்லை. இந்நிலையில், 96 படத்தை இயக்கிய ராம்குமார் இயக்கத்தில் விஷ்ணு விஷால், மமிதா பைஜு நடித்துள்ள இரண்டு வானம் படம் விஷ்ணு விஷாலுக்கு ஒரு ஃபீல் குட் படமாக இருக்கும் என எதிர்பார்க்கப்படுகிறது. அந்த படத்தின் முதல் பாடல் வெளியாகி உள்ளது.
விஜய், சூர்யா, பிரதீப் ரங்கநாதன், தனுஷ், ஜி.வி. பிரகாஷ் என தொடர்ந்து தமிழ் சினிமா நடிகர்களுடன் பல படங்களில் வரிசை கட்டி நடித்து வருகிறார் மமிதா பைஜு. வரும் வாரம் தனுஷின் கர படத்திலும் மமிதா பைஜு தான் ஹீரோயின். விஜய்யின் ஜன நாயகன் படத்தில் வளர்ப்பு மகளாக நடித்துள்ள மமிதா பைஜு, சூர்யாவின் விஸ்வநாத் அண்ட் சன்ஸ் படத்தில் ஜோடியாக நடித்துள்ளார்.
https://youtu.be/SA0IwQ53azw?si=TcW5_0ugWoppiZ1y
விஷ்ணு விஷாலுக்கு முண்டாசுப்பட்டி, ராட்சசன் படங்கள் என 2 வெற்றிப் படங்களை கொடுத்த இயக்குநர் ராம்குமார் இயக்கத்தில் விஷ்ணு விஷால் ஹாட்ரிக் வெற்றியை பெற மீண்டும் இணைந்துள்ளார். திபு நிணன் தாமஸ் இசையில் உருவான “வெள்ளிச்சுடரே” பாடல் வெளியாகி உள்ளது. ஒவ்வொரு ஃபிரேமிலும் மமிதா பைஜுவின் க்யூட்னஸ் ரசிகர்களை வெகுவாக கவர்ந்து வருகிறது. இந்த படம் கண்டிப்பாக விஷ்ணு விஷாலுக்கு வெற்றியை தரும் என எதிர்பார்க்கப்படுகிறது. கட்டா குஸ்தி 2 படத்திலும் விஷ்ணு விஷால் நடித்து வருகிறார். அந்த மோகன்தாஸ் படம் தான் என்ன ஆனது என்றே தெரியவில்லை.
