குக் வித் கோமாளி சீசன் 7 அடுத்த ஜோடி இவர்களா? என்ன செய்ய போறாங்களோ?

cook with comali 7: விஜய் தொலைக்காட்சியின் பிரபல குக் வித் கோமாளி நிகழ்ச்சியின் இந்த சீசன் புது விதமாக ஒளிபரப்பப்பட இருக்கும் நிலையில் அதன் போட்டியாளர்கள் குறித்த விவரம் வெளியாகி இருக்கிறது. 

குக் வித் கோமாளி இந்த சீசனில் இருந்து ஜோடியாக போட்டியாளர்கள் களமிறங்க இருக்கின்றனர். அந்த வகையில் ரியல் கணவன் மனைவியே போட்டியாளர்களாக கலந்து கொள்ள இருப்பதாக கூறப்படுகிறது. இதுகுறித்த புரோமோ வெளியானது. 

இந்த சீசனில் எப்போதும் போல இல்லாமல் மூன்று நடுவர்களுக்கு பதில் நான்கு நடுவர்கள் வர இருக்கின்றனர். அந்த வகையில் தாமு, மாதம்பட்டி ரங்கராஜ், செஃப் கௌஷிக் மட்டுமல்லாமல் நடிகை ரோஜாவும் இந்த சீசனில் களமிறங்க இருக்கின்றனர். 

மேலும் இதுவரை நான்கு போட்டியாளர் ஜோடி அறிமுகப்படுத்தப்பட்டு உள்ளனர். சம்யுக்தா அவர் கணவர் அனிருதா, வினோத் மற்றும் பாக்கியா, அரவிந்த் – சங்கீதா, இதுமட்டுமல்லாமல் குக் வித் கோமாளி முதல் சீசன் தொகுப்பாளினியாக இருந்த நிஷா அவர் கணவர் ரியாஸ்கான் கலந்துக்கொள்ள இருக்கின்றனர். 

இந்நிலையில் குக் வித் கோமாளியின் அடுத்த போட்டியாளர்களாக பாடகர் மனோ மற்றும் அவர் மனைவி ஜமீலா கலந்து கொள்ள இருக்கின்றனர். இதனால் இந்த முறை போட்டியை விட கலாட்டா அதிகமாக இருக்கும் என்றே நம்பப்படுகிறது. 

இன்னும் சில ஜோடிகள் அறிமுகமாகலாம் எனக் கூறப்படுகிறது. கடந்த இரண்டு சீசன்களாக இறங்கி இருந்த டிஆர்பி இந்த முறையாது அதிகரிக்கும் என்றே நம்பப்படுகிறது.