சிம்பு படத்தை இயக்கினாலும் பாக்கெட்டில் சில்லறை இல்லை.. அனிருத் தான் 50 ஆயிரம் கொடுத்தாரு – விக்கி!

இயக்குநர் விக்னேஷ் சிவன் இயக்கத்தில் உருவாகியுள்ள LIK படம் பல தடைகளுக்கு பிறகு வருகின்ற ஏப்ரல் 10ம் தேதி திரையரங்குகளில் வெளியாக உள்ளது. மேலும், இப்படத்தின் இசைவெளியிட்டு விழா நேற்று மிக பிரம்மாண்டமாக நடைப்பெற்ற நிலையில் விக்னேஷ் சிவன் அனிருத் தனக்கு செய்த உதவியை பற்றி எமோஷனலாக பேசியது தற்போது சமூக வளைத்தளங்களில் வைரலாகி வருகிறது.

நடிகை நயன்தாரா தயாரிப்பில் விக்னேஷ் சிவன் இயக்கத்தில் உருவாகியுள்ள லவ் இன்சூரன்ஸ் கம்பெனி படத்தில் பிரதீப் ரங்கநாதன், க்ரித்தி ஷெட்டி, கௌரி கிஷன், யோகி பாபு, எஸ்.ஜே.சூர்யா, சீமான் உள்ளிட்ட பலரும் நடித்துள்ள இப்படத்திற்கு அனிருத் இசையமைத்துள்ளார்.

மேலும், விக்னேஷ் சிவன் தான் சிம்புவை வைத்து போடா போடி படத்தின் மூலம் டைரக்டராக அறிமுகமான பின்னரும் தன்னிடம் நானும் ரவுடி தான் படத்திற்காக பாண்டிச்சேரிக்கு செல்ல பஸ்ஸுக்கு மட்டும் வெறும் 250 ரூபாய் தான் புலம்பிக்கொண்டே என்ன செய்வதென்றே புரியாமல் சென்று கொண்டிருந்த போது அனிருத் போன் செய்து உன் பேகில் 50 ஆயிரம் பணம் வச்சிருகேன்னு சொன்னார், அதை கேட்டதும் நான் அப்படியே கலங்கிப் போயிட்டேன். என் கண்ணீரால் பஸ்ஸின் கம்பிகள் எல்லாம் நனைந்தது என எமோஷனலாக பேசியிருந்தார். விக்னேஷ் சிவன் தனக்கு ஆரம்பத்திலிருந்து தற்போது வரை எல்லா விதத்திலும் அனிருத் செய்த உதவிகளுக்கு உருக்கமாக தனது நன்றியினை தெரிவித்தார்.

பிரதீப் ரங்கநாதனின் நடிப்பில் வெளியான டிராகன் மற்றும் டியுட் திரைப்படத்தின் வெற்றிக்கு பிறகு LIK படத்தின் மீது ரசிகர்கள் மிகுந்த எதிர்ப்பார்ப்பை வைத்துள்ளனர். மேலும், இப்படமும் பிரதீப்பிற்கு வெற்றி படமாக அமையும் என எதிர்பார்க்கப்படுகிறது. 2040ல் தமிழ்நாட்டில் நடக்கும் லவ் ஸ்டோரிக்கு ஆப் மூலம் பிரச்னை வருவதே படத்தின் கதை.