ஐகான் ஸ்டார் அல்லு அர்ஜுன் நடிப்பில் அட்லி இயக்கத்தில் உருவாகி வரும் புதிய படத்தின் பெயரை இன்று அறிவித்துள்ளனர். மேலும், இப்படத்தின் ஃபஸ்ட் லுக் போஸ்டரையும் வெளியிட்டு ரசிகர்களிடையே பெரும் வரவேற்பை பெற்று வருகிறது.
இயக்குநர் அட்லி நடிகர் ஷாருக்கானுடன் இணைந்து உருவாகிய ஜவான் திரைப்படம் உலக அளவில் அதிக வசூலை பெற்ற நிலையில் தற்போது அட்லி தனது 6வது படத்தை அல்லு அர்ஜுனுடன் இணைந்து 800 கோடிக்கு மேல் மிக பிரம்மாண்டமாக படத்தை எடுக்கப்போவதாக தகவல்கள் வெளியாகியுள்ளது.
நடிகர் அல்லு அர்ஜுன் புஷ்பா 2 படத்தின் மாபெரும் வெற்றிக்கு பிறகு தனது 22வது படத்தை இயக்குனர் அட்லியுடன் பணியாற்றிவரும் நிலையில் இப்படத்திற்கு ‘ராக்கா’ என்று பெயரை வெளியிட்டுள்ளனர். சன் பிக்சர்ஸ் தயாரிப்பில் உருவாக உள்ள இப்படத்திற்கு சாய் அபயங்கர் இசையமைக்க உள்ளார்.
ராக்கா படத்தின் ஃபர்ஸ்ட் லுக் போஸ்டரில் அல்லு அர்ஜுன் மொட்டை அடித்த முகத்துடன் ராட்சத கைகளுடன் பயங்கரமாக இருக்கிறார். இப்படம் தமிழ் மற்றும் தெலுங்கு உள்ளிட்ட பல மொழிகளிலும் உருவாகி வருகிறது.
அட்லி மற்றும் அல்லு அர்ஜுன் கூட்டணியில் வெளியாக உள்ள ராக்கா படம் ரசிகர்கள் மத்தியில் பெரும் எதிர்ப்பார்ப்பை ஏற்படுத்தியுள்ளது. மேலும், அட்லி ஐ படம் மற்றும் ஜவான் படத்தை கலந்து இப்படத்தை எடுத்திருப்பாரோ என சமூக வளைத்தளங்களில் கேள்வி எழுப்பி வருகின்றனர். இந்த படத்தில் அல்லு அர்ஜுன் ஜோடியாக தீபிகா படுகோன் நடித்து வருகிறார். அடுத்த ஆண்டு பாக்ஸ் ஆபீஸில் மிகப்பெரிய சம்பவத்தை புஷ்பா 2 போல ராக்கா படமும் செய்யும் என எதிர்பார்க்கப்படுகிறது.
